ەلوردا مەن ەرتىس- بايان ءوڭىرى اراسىندا ۇشاق بايلانىسى قايتا جاندانادى

پاۆلودار. قازاقپارات - 29-قازاننان باستاپ پاۆلودار مەن استانا قالالارى اراسىندا جولاۋشىلار ۇشاعى قاتىناي باستايدى دەپ كۇتىلىپ وتىر. ءبىر ارالىققا بيلەت قۇنى - 15 مىڭ تەڭگە.

پاۆلودارلىقتار 29-قازاننان باستاپ ەلورداعا ۇشاقپەن قاتىناي الادى. رەيستەردى Scat اۋە كومپانياسى موينىنا الىپ وتىر.

- ەلورداعا اۋە كەمەسىمەن قاتىناۋ ءبىر جولاۋشى ءۇشىن 15 مىڭ تەڭگەنى قۇرايدى. Scat اۋە كومپانياسىنىڭ ۇشاقتارى اپتاسىنا ءۇش رەت: سەيسەنبى، بەيسەنبى جانە سەنبى كۇندەرى ۇشادى. اتاپ ايتقاندا تاڭەرتەڭ ساعات 9.25-تە استانادان ۇشىپ شىقسا، ساعات 11.25-تە پاۆلوداردان كەرى ۇشادى. بيلەتتەر ءقازىردىڭ وزىندە ساتىلىمعا شىعارىلدى، - دەپ حابارلادى وڭىرلىك جولاۋشىلار كولىگى جانە اۆتوموبيل جولدارى باسقارماسىنان.

قازىرگى ۋاقىتتا پاۆلوداردان ۇشاقتار تەك الماتى قالاسىنا عانا قاتىنايدى.

ەسكە سالا كەتەيىك، بۇعان دەيىن پاۆلودار اۋەجايى ۇزاق ۋاقىتقا جابىلۋى مۇمكىن ەكەنى تۋرالى جازعانبىز. جوسپار بويىنشا، اۋەجايدىڭ جولاۋشىلاردى وتكىزۋ مۇمكىندىگىن كەڭەيتۋ ءۇشىن اۋەجاي عيماراتىن جانە ۇشاق قوناتىن جولاعىن تولىقتاي جاڭارتۋ كوزدەلگەن. دەيتۇرعانمەن نەگىزگى جوندەۋ جۇمىستارى كەلەسى جىلعا شەگەرىلدى.

بۇعان قوسا، بيىل جازدا پاۆلودار اۋەجايى عيماراتتاعى ورىنداردى جالعا بەرۋ قۇنىن زاڭسىز وسىرگەنى ءۇشىن قوماقتى ايىپپۇل ارقالادى.

ال ونىڭ الدىندا پاۆلودار اۋەجايى بيۋدجەتتىڭ 142 ميلليون تەڭگەسىن نەگىزسىز جۇمساۋعا تالپىنعان.

اۆتور
مۇرات اياعان