ۇلتتىق قۇرامانىڭ بۇرىنعى كاپيتانى اۋەسقوي بوكسقا ورالادى

Фото: olympic.kz
Фото: olympic.kz

استانا. قازاقپارات – قازاقستاندىق تانىمال بوكسشى ابىلايحان ءجۇسىپوۆ اۋەسقوي بوكسقا ورالاتىنىن مالىمدەدى. بۇل تۋرالى بوكسشىنىڭ ءوزى الەۋمەتتىك جەلىدە حابارلادى.

«مەن، ابىلايحان ءجۇسىپوۆ، وليمپيادا ويىندارىنان كەيىن ەكى جىل بويى كاسىپقوي بوكستا تاجىريبە جيناقتادىم جانە بوكس فەدەراتسياسى مەن قاراعاندى ​​وبلىسى سپورت باسقارماسىنىڭ شاقىرتۋىمەن جانە قولداۋىمەن اۋەسقوي بوكسقا ورالامىن. ءوز تاجىريبەممەن تۋعان جەرىم - قاراعاندىنىڭ ءوسىپ كەلە جاتقان بوكسشىلارىنا ۇلگى بولىپ، العا ۇمتىلۋعا شاقىرامىن دەپ ويلايمىن. قاراعاندى ​​وبلىسىنان وليمپيادا ويىندارىنىڭ كوپتەگەن قاتىسۋشىسى مەن چەمپيونى شىعاتىنىنا سەنىمدىمىن. قارسىلاستار، دايىندالىڭدار، مەن ءوزىمدى كورسەتۋگە دايىنمىن»، - دەپ جازدى ابىلايحان.

ايتا كەتەيىك، 27 جاستاعى ابىلايحان ءجۇسىپوۆ الەم چەمپيوناتىندا ءۇش رەت قولا جۇلدە (2017، 2019، 2021-جىلدارى) جەڭىپ العان بولاتىن. ۇلتتىق قۇراما كاپيتانى دا بولدى.

سوڭعى جاڭالىقتار