ۇلتتىق بانك قولدان جاسالعان ۇلتتىق ۆاليۋتا بانكنوتالارى تاراعانىن ەسكەرتتى
استانا. KAZINFORM - قازاقستاننىڭ ۇلتتىق بانكى الەۋمەتتىك جەلىلەر مەن مەسسەندجەرلەر ارقىلى ۇلتتىق ۆاليۋتا ءتۇپنۇسقا بانكنوتالارىنىڭ سىرتقى بەلگىلەرىنە ۇقسايتىن جانە «پرازدنۋەم ۆمەستە!» ، «نە ياۆلياەتسيا پلاتەجنىم سرەدستۆوم» دەگەن بوگدە جازبالارى بار باسپا ونىمدەرىن ساتىپ الۋدى ۇسىناتىن جارنامالاردىڭ تارالۋ فاكتىلەرى انىقتالعانىن ەسكەرتەدى. اتالعان ونىمدەر جالعان بولىپ سانالادى.
قازاقستان ۇلتتىق بانكى قازاقستان رەسپۋبليكاسى قىلمىستىق كودەكسىنىڭ 231-بابىنا سايكەس جالعان اقشا نەمەسە باعالى قاعازداردى جاساۋ، ساقتاۋ، تاسىمالداۋ نەمەسە وتكىزۋ قىلمىستىق جاۋاپكەرشىلىككە تارتىلاتىنىن ەسكە سالادى.
اتالعان جاعدايلار بويىنشا قازاقستان رەسپۋبليكاسىنىڭ ۇلتتىق بانكى ولاردىڭ تارالۋ فاكتىسىن تەكسەرۋ ءۇشىن قازاقستان رەسپۋبليكاسىنىڭ ىشكى ىستەر مينيسترلىگىنە ءوتىنىش جولدادى.
وسىعان بايلانىستى، بانكنوتالاردى قولدانۋ كەزىندە جازۋلارعا ەرەكشە نازار اۋدارىپ، ولاردىڭ ءتۇپنۇسقالىعىن مۇقيات تەكسەرۋ ۇسىنىلادى.
سونىمەن قاتار ۇلتتىق بانك ءتۇپنۇسقا بانكنوتالاردا كوزبەن كورىپ تەكسەرۋ جانە جاناسۋ كەزىندە وڭاي انىقتالاتىن ءبىرقاتار قورعانىش بەلگى بار ەكەنىن ەسكە سالادى. بۇل بەلگىلەرمەن ۇلتتىق بانكتىڭ رەسمي سايتىندا جانە Youtube كانالىندا تانىسۋعا بولادى.
كۇماندى بانكنوتالار، سونىڭ ىشىندە ءتۇپنۇسقا اقشا بەلگىلەرىنىڭ سىرتقى بەلگىلەرىنە ۇقسايتىن بانكنوتالار انىقتالعان جاعدايدا، دەرەۋ قۇقىق قورعاۋ ورگاندارىنا جۇگىنۋ قاجەت.
قازاقستان ۇلتتىق بانكى جالعان اقشا بەلگىلەرىنىڭ جاسالۋىنا قارسى كۇرەس بويىنشا تۇراقتى تۇردە جۇمىس جۇرگىزەدى جانە ازاماتتاردى قولما- قول اقشانى پايدالانعاندا ساق بولۋعا شاقىرادى.
