ۇلتتىق بانك مەنەدجەرلەرى 1,7 ميلليارد تەڭگە سىياقى العانى راس پا - سۇلەيمەنوۆ جاۋابى

استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ بانك توپ-مەنەدجەرلەرىنىڭ 1,7 ميلليارد تەڭگە كولەمىندە سىياقى العانى تۋرالى اقپاراتقا تۇسىنىكتەمە بەردى.

بۇگىن ۇلتتىق بانكتە وتكەن بريفينگ بارىسىندا ب ا ق وكىلدەرى ودان: «ۇلتتىق بانك ءتوراعاسىنا، ديرەكتورلار كەڭەسىنىڭ مۇشەلەرىنە، توپ-مەنەدجەرلەرگە 1,7 ميلليارد تەڭگە كولەمىندە سىياقى جازىلعانى راس پا؟» - دەپ سۇراعان ەدى.

ساۋالعا جاۋاپ بەرگەن تيمۋر سۇلەيمەنوۆ الەۋمەتتىك جەلىدە تاراعان بۇل اقپاراتتىڭ جالعان ەكەنىن ايتتى.

- 1,7 ميلليارد تەڭگەدە جالاقى، ساۋىقتىرۋ تولەمى، وقىتۋ، ەڭبەك دەمالىسىنىڭ تولەمى ياعني ءبىز العان اقىلاردىڭ ءبارى ەسەپتەلىنگەن. سىياقى ەمەس، - دەدى ۇلتتىق بانك باسشىسى.

ايتا كەتەيىك، ۇلتتىق بانك بازالىق مولشەرلەمەنى 18 پايىز دەڭگەيىندە ساقتادى.