ۇلتتىق بانك جەلتوقساندا ۇلتتىق قوردان 600 دەن 700 ميلليون ا ق ش دوللارىنا دەيىنگى مولشەردە ۆاليۋتا ساتپاق
ۇلتتىق بانك جەلتوقساندا ۇلتتىق قوردان 600 دەن 700 ميلليون ا ق ش دوللارىنا دەيىنگى مولشەردە ۆاليۋتا ساتۋدى الدىن الا جوسپارلاپ وتىر. ول ۇكىمەتتىڭ قولدا بار بولجامدىق باعدارلارى نەگىزىندە جۇزەگە اسادى، دەپ حابارلايدى Kazinform ۇلتتىق بانكىڭ باسپا ءسوز قىزمەتىنە سىلتەمە جاساپ.
ب ج ز ق زەينەتاقى اكتيۆتەرىنىڭ ۆاليۋتالىق ۇلەسىن ۇستاپ تۇرۋ ءۇشىن جەلتوقساندا 100 دەن 200 ميلليون ا ق ش دوللارىنا دەيىنگى مولشەردە، ال قازاقستاننىڭ دەپوزيتتەرگە كەپىلدىك بەرۋ قورى اكتيۆتەرىنىڭ ۆاليۋتالىق ۇلەسىن ارتتىرۋ ءۇشىن 30 دان 50 ميلليون ا ق ش دوللارىنا دەيىنگى مولشەردە ۆاليۋتا ساتىپ الىنۋى كۇتىلىپ وتىر.
ۇلتتىق بانك ترانسپارەنتتىلىك قاعيداتى اياسىندا ۆاليۋتا نارىعىندا جۇرگىزىلەتىن بارلىق وپەراتسيا تۋرالى اقپاراتتى تولىق اشىپ كورسەتەدى. قىسقا مەرزىمدى پەرسپەكتيۆادا تەڭگە ديناميكاسى نارىققا قاتىسۋشىلاردىڭ كۇتۋلەرىنە، توقساندىق سالىق تولەمدەرىنە، الەم نارىعىنداعى جاعدايعا جانە گەوساياسي جاعدايدىڭ وزگەرۋىنە بايلانىستى بولادى.
«ۇلتتىق بانك تەڭگەرىمسىزدىك جيناقتالۋىن بولدىرمايتىن جانە التىنۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانۋدى جالعاستىرادى»، - دەلىنگەن حابارلامادا.
