ۇلتتىق بانك 2026-جىلعى ينفلياتسيا بولجامىن وزگەرتتى

- 2026-جىلى ينفلياتسيا 9-11 پايىز ارالىعىندا قالىپتاسادى دەپ كۇتىلەدى. بۇعان دەيىن بۇل كورسەتكىش 9,5-11,5 پايىز دەڭگەيىندە ەدى. تۇزەتۋ ينفلياتسيانىڭ ناقتى باياۋلاۋىمەن، تۇتىنۋشىلىق نەسيەلەۋدىڭ ازايۋىمەن جانە ايىرباس باعامىنىڭ نىعايۋىمەن بايلانىستى، - دەدى ول.

ال 2027-جىلعا ارنالعان بولجام وزگەرىسسىز قالىپ، 5,5-7,5 پايىز ارالىعىندا ساقتالدى.

ۇلتتىق بانك ينفلياتسيانىڭ تومەندەۋىن قاتاڭ اقشا-نەسيە ساياساتى، بيۋجەت ءتارتىبى، ىشكى سۇرانىستىڭ تۇراقتانۋى جانە تاريفتىك ساياساتتىڭ بولجامدىلىعى ارقىلى قامتاماسىز ەتۋدى كوزدەيدى.

- سىرتقى ينفلياتسيالىق احۋال تۇراقتالىپ، ۇكىمەت پەن ۇلتتىق بانك قابىلداپ جاتقان شارالار جالعاسسا، 2028-جىلى ينفلياتسيا %5 نىسانالى دەڭگەيگە جاقىندايدى، — دەدى سۇلەيمەنوۆ.

ايتا كەتەيىك، تيمۋر سۇلەيمەنوۆ بازالىق مولشەرلەمەنىڭ تومەندەۋى تەڭگە باعامىنا اسەر ەتپەيتىنىن دە ايتتى.