ەلەۋسىنوۆ سپورت مەكتەبىنەن الىپ كەلگەن جالاقىسىن تۇگەل قايتارىپ بەرگەن

كاسىپقوي بوكسشى دانيار ەلەۋسىنوۆ جالاقى داۋىنا قاتىستى پىكىر ءبىلدىردى.

ك ت ك تەلەارناسىنىڭ حابارلاۋىنشا، وليمپيادا چەمپيونى سپورت مەكتەبىنەن 1,5 جىل بويى الىپ كەلگەن جالاقىسىن قايتارىپ، جۇمىستان شىعىپ كەتكەن.

«جاقىندا عانا ءبىر جارىم جىل بويى الىپ كەلگەن جالاقىنىڭ بارلىعىن كەرى قايتاردىم. وسىلايشا، سپورت مەكتەبىندەگى جۇمىستان شىقتىم. ەندى ول جەردە جۇمىس ىستەمەيمىن. سالىق مەكەمەسىنە بارىپ، ارنايى ەسەپ جۇرگىزىپ، بارلىعىن تولەدىم. كوپ سوما دەۋگە كەلمەيدى. تاجىريبەم دە توقتاپ تۇر. رەسمي تۇردە جۇمىسقا ورنالاسۋ كەرەك، ءبىراق كاسىبي بوكستا جۇرگەندىكتەن، ول ازىرگە مۇمكىن بولماي تۇر. مەن ءوز ەلىمدە جۇمىس ىستەۋگە، وسكەلەڭ ۇرپاقپەن تاجىريبەمدى بولىسۋگە دايىن بولدىم. ەشقانداي وكپە جوق. قازىر ءبارى جاقسى. جاقىندا شارشى الاڭعا ورالامىن دەپ ۇمىتتەنەمىن»، - دەدى كاسىپقوي بوكسشى.

ەسكە سالايىق، بۇعان دەيىن دانيار ەلەۋسىنوۆ ءوزى ا ق ش- تا بولا تۇرا، قازاقستاندا جاتتىقتىرۋشىنىڭ جالاقىسىن الىپ جۇرگەنىن جازعان ەدىك.