گۇلميرا ساتىبالدىعا قاتىستى ءىس: سوت ۇكىمى وزگەرىسسىز قالدى
الماتى. KAZINFORM - اپەللياتسيالىق سوت گۇلميرا ساتىبالدىعا قاتىستى ءىستى وزگەرىسسىز قالدىردى.
— اپەللياتسيالىق سوت گۇلميرا ساتىبالداعا قاتىستى ءبىرىنشى ينستانتسيانىڭ ۇكىمىن وزگەرىسسىز قالدىردى، — دەپ حابارلادى الماتى قالالىق سوتىنىڭ باسپا ءسوز قىزمەتى.
ەسكە سالايىق، بىلتىر تامىز ايىندا گۇلميرا ساتىبالدى 12 جىلعا باس بوستاندىعىنان ايىرىلعان بولاتىن.
وعان زاڭسىز باس بوستاندىعىنان ايىرۋ، اسا ءىرى مولشەردە بوپسالاۋ جانە ءوزىن-ءوزى باسقارۋ بويىنشا ايىپ تاعىلىپ، كىناسى دالەلدەندى.
بۇعان دەيىن كاسىپكەر اباي ءجۇنىسوۆ گۇلميرا ساتىبالدى بىرلەسكەن سەرىكتەستىكتە ۇرلىق جاسادى دەگەن كۇدىكپەن كىناسىن مويىنداۋدى تالاپ ەتىپ، 2019-جىلدىڭ اقپانىنان بەرى ۇيىندە زاڭسىز قاماۋدا ۇستاعانىن ايتقان ەدى.
ايتا كەتەيىك، 2023-جىلى گۇلميرا ساتىبالدى بىرەۋدىڭ مۇلكىن يەمدەنۋ جانە جىمقىرۋ قىلمىستىق ءىسى بويىنشا 7 جىلعا باس بوستاندىعىنان ايىرىلعان بولاتىن.
سونداي-اق سوت وعان 10 جىل بويى كوممەرتسيالىق ۇيىمداردا باسشىلىق لاۋازىمداردى اتقارۋعا تىيىم سالدى.
