07:52, 24 - قازان 2024 | GMT +6
لۋكاشەنكو 2025-جىلعى پرەزيدەنتتىك سايلاۋعا قاتىسادى
استانا. KAZINFORM - پرەزيدەنت الەكساندر لۋكاشەنكو بەلارۋستە وتەتىن كەلەسى پرەزيدەنتتىك سايلاۋعا قاتىسادى، دەپ حابارلايدى Kazinform.
بەلارۋس پرەزيدەنتى بۇل تۋرالى «روسسيا-1» ارناسىنداعى «60 مينۋت» باعدارلاماسى جۇرگىزۋشىسىنىڭ سۇراعىنا جاۋاپ بەرگەن سۇحباتىندا مالىمدەدى.
«ءيا، وليا، مەن پرەزيدەنتتىك سايلاۋعا قاتىسامىن»، - دەپ جاۋاپ بەردى مەملەكەت باسشىسى ءتىلشىنىڭ سۇراعىنا.
ەسكە سالا كەتسەك، 2022-جىلى بەلارۋس كونستيتۋتسياسىنا تۇزەتۋلەر ەنگىزىلدى، وندا ەل پرەزيدەنتى ءۇشىن شەكتەۋ - ءبىر ادامعا ەكى مەرزىم قامتىلعان. پرەزيدەنتتىڭ ءوزى ەنگىزىلگەن وزگەرىستەردەن كەيىن سايلاۋعا قايتا تۇسپەيتىنىنە ۋادە بەردى.
بەلارۋس پرەزيدەنتىنىڭ سايلاۋى 2025-جىلعى 26-قاڭتاردا وتەتىنىن جازعان بولاتىنبىز.
