لاتۆيا ايەلدەر ءۇشىن مىندەتتى اسكەري قىزمەتتى ەنگىزۋى مۇمكىن

استانا. KAZINFORM - لاتۆيا 2028 -جىلى ايەلدەردى مىندەتتى اسكەري قىزمەتكە شاقىرا باستاۋى مۇمكىن. بۇل تۋرالى بالتىق رەسپۋبليكاسىنىڭ قورعانىس ءمينيسترى اندريس سپرۋدس مالىمدەدى، دەپ جازادى تاسس.

«ارينە، بۇل بۇگىن نەمەسە ەرتەڭ بولمايدى»، - دەدى قورعانىس مينيسترلىگىنىڭ باسشىسى ايەلدەر ءۇشىن اسكەري قىزمەتتى ەنگىزۋ جوسپارىنا تۇسىنىكتەمە بەرە وتىرىپ.

سپرۋدس 2028 -جىل «وڭتايلى» بولۋى مۇمكىن دەپ اتاپ ءوتتى. ونىڭ ايتۋىنشا، 2028 -جىلعا قاراي ۇكىمەت اسكەرگە شاقىرىلعانداردىڭ سانىن جىلىنا 4 مىڭعا جەتكىزگىسى كەلەدى. وعان دەيىن ۇكىمەت ءبىرقاتار دايىندىق جۇمىستارىن جۇرگىزىپ، بۇل ماسەلەگە قاتىستى ساياسي پىكىرتالاس جۇرگىزۋى قاجەت. سودان كەيىن اسكەري قىزمەتكە كەلەتىن ايەلدەرگە قاجەتتى كيىم-كەشەك، قۇرال-جابدىق، ولاردىڭ رەزەرۆىن جاساۋ قاجەت بولادى. لاتۆيا ۇلتتىق قارۋلى كۇشتەرىنە قاتىستى بۇيرىقتار شىعارىلىپ قويىلعان.

لاتۆيانىڭ سىرتقى ىستەر ءمينيسترى بايبا براجە دە ايەلدەردى اسكەرگە شاقىرۋ يدەياسىن قولدادى. ول «ءماجبۇر» ءسوزى جاعىمسىز ەستىلگەنىمەن، ايەلدەردىڭ مۇمكىندىكتەرى عانا ەمەس، جاۋاپكەرشىلىگى دە بار ەكەنىن اتاپ ءوتتى. ونىڭ ەسەبى بويىنشا، ايەلدەر ءۇشىن مىندەتتى اسكەري قىزمەت «بارلىق ادامعا ءتيىمدى».