ۇلان- باتىردا شەرۋگە شىققان حالىق ورتالىق الاڭدى جاۋىپ تاستاعان

استانا. KAZINFORM - دەمونسترانتتار موڭعوليا ۇكىمەتىنىڭ وتستاۆكاعا كەتۋىن تالاپ ەتەتىن پلاكاتتار ۇستاپ شىققان، دەپ حابارلايدى مونتسامە اقپارات اگەنتتىگى.

Моңғолиядағы шеру
Фото: montsame.mn

2025 -جىلدىڭ 11- قاڭتارىندا موڭعوليا استاناسىنىڭ ورتالىق الاڭىندا جۇزدەگەن ادام قاتىسقان بەيبىت دەمونستراتسيا ءوتتى. قۇقىق قورعاۋ ورگاندارى ازاماتتاردى بەيبىت جولمەن ءوز كوزقاراستارىن بىلدىرۋگە شاقىردى.

ت ا س س مالىمەتىنشە، ۇلان-باتىردىڭ باستى الاڭىندا تۇستەن كەيىن باستالعان بەيبىت ميتينگكە جينالعان ادامنىڭ سانى كەشكە قاراي 1 مىڭنان اسقان.

دەمونسترانتتار ۇكىمەتتىڭ وتستاۆكاعا كەتۋىن تالاپ ەتەتىن پلاكاتتار ۇستاپ شىققان. ولار ەل ۇكىمەتىنىڭ كولىك كەپتەلىسى، كەدەيلىك، سىبايلاس جەمقورلىق، جوعارى سالىق جانە جۇمىسسىزدىق ماسەلەلەرىن ءتيىمدى شەشە المايتىندىعىنا الاڭداۋشىلىق ءبىلدىردى. ولاردىڭ پىكىرىنشە، بۇل ماسەلەلەر قاراپايىم ازاماتتاردىڭ، اسىرەسە جۇمىسشىلاردىڭ موينىنا اۋىر سالماق تۇسىرەدى.

Моңғолиядағы шеру
Фото: montsame.mn

دەمونستراتسيانى ۇيىمداستىرۋشىلار - «بوستاندىق كواليتسياسى» پارتياسى اتالعان اكسيا 22- قاڭتارعا دەيىن جالعاسادى دەپ مالىمدەدى. بۇدان بولەك، پارتيا ۇلى مەملەكەتتىك حۋرالدىڭ 33 مۇشەسىنە رەسمي حات جولداعان كورىنەدى. وندا ۇكىمەتتىڭ وتستاۆكاعا كەتۋى تۋرالى ماسەلەنى داۋىس بەرۋگە شىعارۋدى تالاپ ەتتى.

دەمونستراتسيا كەزىندە قاتىسۋشىلار ورتالىق الاڭنىڭ الدىنداعى جول قيىلىسىن ۋاقىتشا جاۋىپ تاستادى. سالدارىنان جەدەل جاردەم مەن شۇعىل قىزمەتتەردىڭ وتۋىنە قيىندىق تۋعىزدى. وسىعان بايلانىستى پوليتسيا دەمونستراتسيانى وتكىزۋگە ساعات 11:00 دەن 17:00 گە دەيىن رۇقسات بەرىلگەنىن ەسكە سالىپ، قاتىسۋشىلاردى قوعامدىق ءتارتىپتى بۇزباۋعا، ەرەجەلەردى ساقتاۋعا شاقىردى.

سوڭعى جاڭالىقتار