ل ر ت ءىسى: ينتەرپول تالعات ارداننىڭ قايدا ەكەنىن انىقتامادى

استانا. KAZINFORM - ق ر باس پروكۋرورىنىڭ ورىنباسارى اسەت شىنداليەۆ ينتەرپول «استانا LRT-نىڭ» بۇرىنعى باسشىسى تالعات ارداننىڭ ناقتى قايدا جۇرگەنى تۋرالى مالىمەت بەرمەگەنىن ايتتى.

- ىزدەۋدىڭ بىرنەشە ءتۇرى بار. بىزدەگى قۇقىق قورعاۋ ورگاندارى نەگىزىنەن ەل ىشىندەگى ىزدەۋمەن اينالىسادى. حالىقارالىق ىزدەۋ قۇزىرەتى ينتەرپولعا تيەسىلى. ءبىز ينتەرپولعا ءتيىستى نۇسقاۋ بەرەمىز، ولار وسىمەن اينالىسىپ جاتىر، - دەدى اسەت شىنداليەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، ەكستراديتسيالاۋ ءۇشىن ينتەرپول ىزدەۋدە جۇرگەن ادامنىڭ ورنالاسقان جەرىن ناقتى انىقتاپ، شەتەلدىڭ قۇزىرلى ورگاندارىمەن بىرگە ۇستاۋ شارالارىن ۇيىمداستىرۋى كەرەك. وسىدان كەيىن ەكستراديتسيالاۋعا سۇراۋ جىبەرىلەدى.

- ازىرگە، ينتەرپول بۇل ادامنىڭ قايدا ەكەنىن نەمەسە قاماۋعا الۋ شارالارىنىڭ ورىندالۋ بارىسى تۋرالى ناقتى مالىمەت بەرگەن جوق، - دەدى باس پروكۋروردىڭ ورىنباسارى.

بۇدان بۇرىن حابارلانعانداي، 2023 -جىلى مامىردا ەلوردادا سالىنباي قالعان Astana LRT قۇرىلىسىنا قاتىستى قىلمىستىق ءىس بويىنشا سوت ۇكىمى شىقتى. سوت ۇكىمىمەن تالعات اردان مەن قانات سۇلتانبەكوۆ 7 جىلعا سوتتالدى.

باس پروكۋراتۋرا تالعات اردان مەن قانات سۇلتانبەكوۆتى ىزدەۋ جۇمىسىنىڭ توقتامايتىنىن ايتتى.

ەسكە سالساق، استانا قالالىق سوتىنىڭ قىلمىستىق ىستەر جونىندەگى سوت القاسىنىڭ 2024 -جىلعى 25-جەلتوقسانداعى قاۋلىسىمەن سوت ۇكىمى وزگەرىسسىز، تالعات ارداننىڭ قورعاۋشىسىنىڭ اپەللياتسيالىق شاعىمى قاناعاتتاندىرۋسىز قالدىرىلدى.

اۆتور

رۋسلان عابباسوۆ