كەز كەلگەن قازاقستاندىق تۇرعىن ۇيگە مۇقتاج رەتىندە ەسەپكە تۇرا الاتىن پورتال اشىلدى

استانا. KAZINFORM - ازاماتتار ءۇشىن وتباسى بانكىنىڭ («بايتەرەك» حولدينگىنىڭ ەنشىلەس ۇيىمى) «تۇرعىن ۇيمەن قامتاماسىز ەتۋ ورتالىعى» اقپاراتتىق جۇيەسى قولجەتىمدى بولادى. ول orken.otbasybank.kz پورتالىندا ورنالاسقان.

ازاماتتار 2025 -جىلدىڭ 24-مامىرى ساعات 9.00 باستاپ وسى پلاتفورمادا تۇرعىن ۇيگە مۇقتاج جان رەتىندە ءوتىنىش بەرە الادى جانە ەسەپكە تۇرا الادى. ول ءۇشىن قولدانىستاعى ە س ق پايدالانا وتىرىپ، سايتتا اۆتوريزاتسيادان ءوتۋ قاجەت بولادى.

2025 -جىلدىڭ 24-مامىرىنا دەيىن قازاقستاندىقتار orken.otbasybank.kz جاڭا پورتالىمەن تانىسىپ، وندا جاريالانعان اقپاراتتى قاراي الادى.

تۇرعىن ۇيگە مۇقتاج جان رەتىندە ەسەپكە تۇرۋعا ءوتىنىم بەرگەن كەزدە جۇيە ۇمىتكەردىڭ تالاپتارعا سايكەستىگىن اۆتوماتتى تۇردە تەكسەرەدى. ەگەر ول كامەلەتكە تولعان ازامات بولسا جانە ونىڭ، سونداي-اق وتباسى مۇشەلەرىنىڭ سوڭعى 5 جىل ىشىندە مەنشىك قۇقىعىندا تۇرعىن ءۇيى بولماسا، وندا ول تىزىمگە ەنگىزىلەدى.

ازاماتتاردى تۇرعىن ۇيگە مۇقتاجدار ەسەبىنە قويۋ - مەملەكەتتىك قىزمەت. بۇل قىزمەتتى كورسەتۋ مەرزىمى - ءبىر جۇمىس كۇنى. ەگەر ءوتىنىش بەرۋشى وتىنىمگە سكانەرلەنگەن قۇجاتتاردى (مىسالى، تۇرعىن ءۇيدىڭ اپاتتى ەكەنىن راستايتىن قۇجاتتار) قوسا بەرسە، وندا قىزمەت كورسەتۋ مەرزىمى ءۇش جۇمىس كۇنىن قۇرايدى.

ياعني، ەگەر ازامات دەمالىس كۇنى ءوتىنىش بەرسە، وندا ەسەپكە الۋ دەمالىس كۇنىنەن كەيىنگى جۇمىس كۇنى ىسكە اسىرىلادى.

جۇيە جىلجىمايتىن مۇلىكتىڭ بولۋىن عانا ەمەس، وتباسىلىق جاعدايىن، تۇرعىن ۇيگە مۇقتاج ادامنىڭ مارتەبەسى مەن ساناتىن جانە تاعى باسقالارىن اۆتوماتتى تۇردە تەكسەرەدى. ياعني، «تۇرعىن ۇيمەن قامتاماسىز ەتۋ ورتالىعى» جۇيەسىندە ءوتىنىش بەرۋشىنىڭ سيفرلىق پورترەتى جاسالادى. بۇل وتباسىنىڭ قۇقىقتىق جانە الەۋمەتتىك مارتەبەسىن، ونىڭ تابىسىن، قانداي ءدا بىر الەۋمەتتىك تولەمدەردى، زەينەتاقىلاردى نەمەسە جاردەماقىلاردى الۋشى بولىپ تابىلاتىنىن، باسپاناسى بار- جوعىن كورۋ ءۇشىن قاجەت. وسى دەرەكتەرگە سۇيەنە وتىرىپ، ءوتىنىش بەرۋشىگە بولاشاقتا تۇرعىن ءۇي ماسەلەسىن شەشۋدە مەملەكەتتىك قولداۋدىڭ ءارتۇرلى شارالارى ۇسىنىلاتىن بولادى.

ازاماتتاردىڭ بارلىق دەرەكتەرىن اۆتوماتتى تۇردە تەكسەرۋ ءۇشىن بانك 14 مەملەكەتتىك دەرەكتەر بازاسىمەن جانە اقپاراتتىق جۇيەلەرمەن بىرىكتىرىلگەن.

تۇرعىن ۇيگە مۇقتاج جان رەتىندە ەسەپكە الۋ ءۇشىن ءوتىنىم بەرگەن كەزدە ءاربىر ءوتىنىش بەرۋشى مەن ونىڭ وتباسى مۇشەلەرىنە دەربەس دەرەكتەردى جيناۋعا جانە وڭدەۋگە كەلىسىم بەرۋ تۋرالى 1414 نومىرىنەن SMS-حابارلاما كەلەدى. بۇل حابارلاماعا جاۋاپ بەرۋ كەرەك.

Orken.otbasybank.kz پورتالىندا تۇرعىن ۇيگە مۇقتاج جان رەتىندە ەسەپكە تۇرۋ ءۇشىن كىم ءوتىنىش بەرە الادى؟

2025 -جىلدىڭ 24-مامىرىنان باستاپ تۇرعىن ۇيگە مۇقتاج جان رەتىندە ەسەپكە كەلەسى ازاماتتار تۇرا الادى:

سوڭعى بەس جىل ىشىندە مەنشىك قۇقىعىندا تۇرعىن ءۇيى جوق، كامەلەتكە تولعان قازاقستاندىقتار؛

جالعىز تۇرعىن ءۇيى اپاتتى دەپ تانىلعان قازاقستاندىقتار.

تابىسى قانداي دەڭگەيدەگى ازاماتتار مەملەكەتتىك قولداۋ شارالارىنا ءۇمىتتى بولا الادى؟

قازاقستاندىقتارعا تۇرعىن ءۇي ماسەلەسىن شەشۋدە قولداۋ كورسەتۋ ولارعا تەگىن پاتەر بەرۋدى بىلدىرمەيدى.

بانك تۇرعىن ۇيگە مۇقتاج ازاماتتاردىڭ سيفرلىق پورترەتىن قالىپتاستىراتىن بولادى جانە ولاردىڭ الەۋمەتتىك ساناتىنا، وتباسى تابىسىنا قاراي تۇرعىن ءۇي ماسەلەسىن شەشۋ قۇرالدارى ۇسىنىلاتىن بولادى. اتاپ ايتساق:

تۇرعىن ءۇيدى جالداۋ اقىسىنىڭ ءبىر بولىگىن سۋبسيديالاۋ؛

جەرگىلىكتى اتقارۋشى ورگانداردىڭ جالعا بەرىلەتىن تۇرعىن ءۇيى؛

تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2023-2029 -جىلدارعا ارنالعان تۇجىرىمداماسى شەڭبەرىندە ەڭ تومەنگى باستاپقى جارنامەن جانە جىلدىق %2 دان (ج س م %2 دان %2,1 عا دەيىن) جانە %5 دان (ج س م %5,2 دان %5,8 عا دەيىن) مولشەرلەمەلەرى بويىنشا تۇرعىن ءۇي باعدارلامالارى؛

«ناۋرىز» باعدارلاماسى جانە «ناۋرىز جۇمىسكەر» باعىتى.

مەملەكەتتىك قولداۋ شارالارى قالاي بولىنەدى؟

ازاماتتارعا جەرگىلىكتى اكىمدىكتەردەن جالعا بەرىلەتىن تۇرعىن ءۇي نەمەسە الەۋمەتتىك تۇرعىن ءۇي ساتىپ الۋ ءۇشىن جەڭىلدىكتى كرەديتتەر بەرىلگەن كەزدە بانك ازاماتتاردىڭ ەسەپكە تۇرۋ كۇنىنە نەگىزدەلەتىن بولادى. بۇل رەتتە تۇرعىن ءۇيدىڭ جالپى كولەمىنىڭ كەمىندە %70 مەملەكەتتىك قولداۋ شەڭبەرىندە تۇرعىن ءۇي ماسەلەسىن شەشۋگە ءبىرىنشى كەزەكتەگى قۇقىعى بار ازاماتتاردىڭ ساناتتارىنا بەرىلەتىن بولادى.

مەملەكەتتىك قولداۋ شەڭبەرىندە تۇرعىن ءۇي ماسەلەسىن شەشۋگە ءبىرىنشى كەزەكتەگى قۇقىق كىمدەرگە بەرىلەدى:

ۇلى وتان سوعىسىنىڭ ارداگەرلەرىنە، جەڭىلدىكتەرى بويىنشا ۇلى وتان سوعىسىنىڭ ارداگەرلەرىنە تەڭەستىرىلگەندەرگە، باسقا مەملەكەتتەر اۋماعىنداعى ءىس-قيمىلدار ارداگەرلەرىنە؛

جەتىم بالالارعا، اتا-اناسىنىڭ قامقورلىعىنسىز قالعان بالالارعا؛

كوپ بالالى انالار مەن كوپ بالالى وتباسىلارعا؛

مۇگەدەك بالالارى بار نەمەسە ولاردى تاربيەلەپ وتىرعان وتباسىلارعا؛

1 جانە 2 توپتاعى مۇگەدەكتىگى بار ادامدارعا؛

جەسىر ايەلدەر مەن تۇل ەركەكتەرگە.

تۇرعىن ۇيگە مۇقتاج ازاماتتاردىڭ قازىرگى بازاسى نەبولادى؟

ازاماتتاردىڭ بارلىق قولدانىستاعى بازاسى اكىمدىكتەردەن 2025 -جىلدىڭ 17-ماۋسىمىنان كەيىن وتباسى بانكىنە بەرىلەتىن بولادى. بۇل مەرزىم اكىمدىكتەرگە 2025 -جىلدىڭ 24-مامىرىنا دەيىن قابىلدانعان بارلىق وتىنىمدەردى وڭدەۋگە جانە تۇرعىن ۇيگە مۇقتاج ازاماتتاردى ەسەپكە قويۋعا ۋاقىت جەتكىلىكتى بولۋى ءۇشىن قاجەت.

بانك قازىر ازاماتتارعا egov.kz بازاسىنا ەنگىزىلگەن جەكە قۇجاتتار مەن دەرەكتەردىڭ وزەكتىلىگىن تەكسەرۋدى ۇسىنادى. اتاپ ايتساق بۇل: جەكە كۋالىك، وتباسى جاعدايى، وتباسى مۇشەلەرى تۋرالى دەرەكتەر، جىلجىمايتىن مۇلىكتىڭ بولۋى، تىركەۋ مەكەنجايى جانە ت. ب.

سونداي-اق ج س ن بويىنشا kezekte.kz بازاسىندا كورسەتىلگەن اقپاراتتىڭ دۇرىستىعىن تەكسەرۋ قاجەت جانە سايكەسسىزدىكتەر انىقتالعان جاعدايدا، وزگەرىستەر ەنگىزۋ ءۇشىن اكىمدىككە جولىعۋ كەرەك.

سونداي-اق، ە س ق-نىڭ مىندەتتى تۇردە بولۋى جانە موبيلدى ازاماتتار بازاسىندا ۇمىتكەردىڭ ءموبيلدى ءنومىرىنىڭ تىركەلۋلى بولۋى كەرەك. ونى egov.kz پورتالىندا تەكسەرۋگە بولادى. بۇل 1414 ءبىرىڭعاي بايلانىس ورتالىعىنان حابارلامالار مەن س م س-پارولدەردى الۋ ءۇشىن قاجەت.

نەسەبەپتى ازاماتتاردى ەسەپكە تۇرعىزباۋى مۇمكىن:

ەگەر سوڭعى بەس جىل ىشىندە مەنشىك قۇقىعىندا تۇرعىن ءۇيى بار نەمەسە بولعان جاعدايدا؛

ەگەر ازاماتتىڭ پايدالانۋىندا مەملەكەتتىك تۇرعىن ءۇي قورىنان بەرىلگەن تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي بولسا؛

ۇسىنىلعان قۇجاتتاردا جانە (نەمەسە) مالىمەتتەردە دايەكسىز دەرەكتەر بولعان جاعدايدا؛

ەگەر ازامات بۇرىن مەملەكەتتىك تۇرعىن ءۇي قورىنان تۇرعىن ءۇي العان جانە جەكەشەلەندىرگەن جاعدايدا؛

ەگەر ازاماتتىڭ اپاتتى دەپ تانىلعان جالعىز تۇرعىن ءۇيى بولسا، ءبىراق ول باسقا ەلدىمەكەندە ورنالاسسا. مىسالى، اپاتتى دەپ تانىلعان تۇرعىن ءۇي الماتى وبلىسىندا ورنالاسقان، ال ازامات الماتى قالاسىندا كەزەككە تۇرۋعا تالپىنۋدا؛

ەگەر مەملەكەت قولداۋىمەن يپوتەكالىق زاەمداردى پايدالانا وتىرىپ، مەنشىككە تۇرعىن ءۇي ساتىپ السا.

وتباسى بانك جەڭىلدەتىلگەن زاەمدار بەرۋ جانە مەملەكەتتىك قولداۋ پروتسەستەرىندە تولىق اشىقتىقتى قامتاماسىز ەتەدى. تۇرعىن ءۇي مۇقتاج ازاماتتار ەسەبىندە تۇرعان جانە مەملەكەتتىڭ قولداۋىمەن ءوزىنىڭ تۇرعىن ءۇي ماسەلەسىن شەشە العان ازاماتتاردىڭ تىزىمدەرى سوڭعى 2 جىل ىشىندە بانكتىڭ رەسمي سايتىندا جاريالاناتىن بولادى.

ايتا كەتەيىك، سوت ورىنداۋشىلار «وتباسى بانك» سالىمشىلارىنان 3,4 ميلليارد تەڭگە جىمقىرعان.

اۆتور

اسحات رايقۇل