ەكىنشى دۇنيەجۇزىلىك سوعىس ارداگەرلەرىنە جەڭىستىڭ 80 جىلدىعى مەدالى بەرىلەدى

استانا. KAZINFORM - قورعانىس مينيسترلىگى ەكىنشى دۇنيەجۇزىلىك سوعىسقا قاتىسقانداردى جەڭىستىڭ 80 جىلدىعىنا ارنالعان مەدالمەن ماراپاتتاۋ تۋرالى پرەزيدەنت جارلىعىنىڭ جوباسىن كوپشىلىك تالقىلاۋىنا شىعاردى.

Фото: Александр Павский/ Kazinform
Фото: Александр Павский/ Kazinform

- قورعانىس مينيسترلىگى «1941-1945-جىلدارداعى ۇلى وتان سوعىسىنداعى جەڭىس كۇنىنىڭ 80 جىلدىعى قۇرمەتىنە ارنالعان مەرەكەلىك مەدال تۋرالى» قازاقستان رەسپۋبليكاسىنىڭ پرەزيدەنتى جارلىعىنىڭ جوباسى تۋرالى» ۇكىمەت قاۋلىسىنىڭ جوباسىن ازىرلەدى. نورماتيۆتىك قۇقىقتىق اكت قازاقستان رەسپۋبليكاسىندا ۇلى وتان سوعىسىنىڭ ارداگەرلەرىنە جانە وزگە دە قاتىسۋشىلارىنا سالتاناتتى تۇردە قۇرمەت كورسەتۋ ءۇشىن ازىرلەندى. جارلىق جوباسىمەن «1941 -1945-جىلدارى ۇلى وتان سوعىسىنداعى جەڭىسكە 80 جىل» مەرەكەلىك مەدالى تاعايىندالىپ، مەدالمەن ناگرادتاۋ قاعيدالارى جانە سيپاتتاماسى بەكىتىلەدى، - دەپ جازىلعان باسپا ءسوز-رەليزدە.

بۇعان دەيىن ەكىنشى دۇنيەجۇزىلىك سوعىستاعى جەڭىستىڭ 80 جىلدىعىن ۇجىمدىق قاۋىپسىزدىك تۋرالى شارت ۇيىمى اياسىندا اتاپ ءوتۋ تۋرالى ۇسىنىستار ايتىلعان بولاتىن.

سوڭعى جاڭالىقتار