ۇكىمەت باسشىسى وتاندىق تاۋارلاردىڭ ارتىق كاتولوگتارىن جويۋدى تاپسىردى
استانا. KAZINFORM - تاۋارلاردىڭ ەلەكتروندىق كاتالوگى جالپىعا بىردەي بولۋى كەرەك. بۇل تۋرالى ۇكىمەت وتىرىسىندا پرەمەر- مينيستر ولجاس بەكتەنوۆ ايتتى.
«قازىر قازاقستاندىق تاۋارلاردىڭ بىرنەشە كاتالوگى بار. بۇل ءونىمدى ءبىر كاتالوگ ارقىلى يمپورتتاۋعا جانە ونى باسقا كاتالوگپەن وتاندىق ءونىم رەتىندە وتكىزۋگە مۇمكىندىك بەرىپ وتىر. مۇنداي ايلا- شارعىلار بولماۋعا ءتيىس. قارجى مينيسترلىگى مەملەكەتتىك ساتىپ الۋدى جۇزەگە اسىرۋ ءۇشىن حالىقارالىق ستاندارتتاردى ەسكەرە وتىرىپ، تاۋارلاردىڭ ەلەكتروندىق كاتالوگىن جاسادى»، - دەدى ول.
پرەمەر- ءمينيستردىڭ پايىمىنشا، ول جالپىعا بىردەي بولۋى كەرەك.
«سوندىقتان قارجى مينيسترلىگى ساۋدا مينيسترلىگىمەن جانە باسقا دا مۇددەلى مەملەكەتتىك ورگاندارمەن بىرگە ساراپتاپ، تاۋارلاردىڭ، جۇمىستار مەن قىزمەتتەردىڭ ارتىق كاتالوگتارىن جويۋى قاجەت»، - دەدى ولجاس بەكتەنوۆ.
