كىمدەرگە جۇزۋمەن شۇعىلدانۋعا بولمايدى؟
استانا. KAZINFORM - ءجۇزۋ - دەنساۋلىقتى نىعايتۋدىڭ تاماشا ءتاسىلى، ءبىراق كەيبىر ادامدارعا سپورتتىڭ بۇل تۇرىمەن شۇعىلدانۋعا بولمايدى.
بۇل تۋرالى قالپىنا كەلتىرۋ مەديتسيناسى ءبولىمىنىڭ ادىسكەر-نۇسقاۋشىسى كيريلل انتونوۆ ايتتى، - دەپ حابارلايدى «ريامو».
«جۇرەكتىڭ اۋىر اۋرۋلارى، تىنىس الۋ جۇيەسىنىڭ پروبلەمالارى نەمەسە تەرىنىڭ جۇقپالى اۋرۋلارىمەن زارداپ شەگىپ جۇرگەن بەلگىلى ءبىر ادامدار جۇزۋمەن شۇعىلدانباعانى دۇرىس. سونداي-اق پسيحيكالىق اۋىتقۋلارى جانە سوزىلمالى اۋرۋلارى بار ادامدارعا الدىمەن دارىگەرمەن كەڭەسۋ ۇسىنىلادى»، - دەدى مامان.
كيريلل انتونوۆ قارسى كورسەتىلىمدەرى جوق ادامدار ءۇشىن ءجۇزۋ وتە پايدالى ەكەنىن ايتتى، ويتكەنى جاتتىعۋلار كەزىندە بارلىق دەرلىك بۇلشىق ەت توپتارى قاتىسادى. ءجۇزۋ سترەستى جەڭىلدەتۋگە، يكەمدىلىكتى دامىتۋعا، بۇلشىق ەتتەردى نىعايتۋعا كومەكتەسەدى.
ماماننىڭ سوزىنشە، بەلسەندىلىكتىڭ بۇل ءتۇرى ارنايى داعدىلاردى قاجەت ەتپەيدى، تەك نەگىزگى دايىندىقپەن جاقسى ۇيلەستىرۋ قاجەت.
ەسكە سالايىق، بۇعان دەيىن ءجۇزۋ ارقىلى سالماق تاستاۋ قانشالىق مۇمكىن ەكەنى حابارلانعان بولاتىن.
