كىم قانشا الادى؟ 2026-جىلى زەينەتاقى مەن الەۋمەتتىك تولەمدەر ۇلعايادى

استانا. قازاقپارات - 2026-جىلى قازاقستاندا ەڭ تومەنگى جالاقى، زەينەتاقى، بازالىق تولەمدەر، ا ە ك جانە كۇنكورىس مينيمۋمى جاڭارتىلادى.

پرەزيدەنت قول قويعان رەسپۋبليكالىق بيۋجەتكە سايكەس الەۋمەتتىك تولەمدەر وسەدى. جاڭا مولشەرلەر 1-قاڭتاردان باستاپ كۇشىنە ەنەدى.

قۇجاتقا سايكەس، 2026-جىلدىڭ 1-قاڭتارىنان باستاپ:

ەڭ تومەنگى جالاقى - 85000 تەڭگە (وزگەرىسسىز قالادى)؛

ايلىق ەسەپتىك كورسەتكىش (ا ە ك) - 4325 تەڭگە (2025-جىلى - 3932 تەڭگە)؛

بازالىق زەينەتاقىنىڭ ەڭ تومەنگى مولشەرى - 35596 تەڭگە (2025-جىلى - 32360 تەڭگە)؛

ەڭ تومەنگى زەينەتاقى - 69049 تەڭگە (2025-جىلى - 62771 تەڭگە)؛

كۇنكورىس مينيمۋمى - 50851 تەڭگە (2025-جىلى - 46228 تەڭگە).

بۇدان بولەك، جاسىنا بايلانىستى جانە ەڭبەك ءوتىلى بويىنشا بەرىلەتىن زەينەتاقى تولەمدەرىنە 10 پايىز ءوسىم قاراستىرىلعان.

سونداي-اق مەملەكەت مىندەتتى الەۋمەتتىك مەديتسينالىق ساقتاندىرۋعا (م ءا م س) 2 پايىز كولەمىندە جارنا اۋدارۋدى جالعاستىرادى.

زاڭ 2026-جىلدىڭ 1-قاڭتارىنان باستاپ كۇشىنە ەنەدى.

ەسكە سالساق، كەشە، 8-جەلتوقساندا مەملەكەت باسشىسى قاسىم-جومارت توقايەۆ 2026-2028-جىلدارعا ارنالعان رەسپۋبليكالىق بيۋجەت تۋرالى زاڭعا قول قويدى.