كيم چەن ىننىڭ قىزى بيلىككە قارقىندى دايىندالىپ جاتىر
استانا. KAZINFORM - وڭتۇستىك كورەيا بارلاۋ اگەنتتىگىنىڭ حابارلاماسىنا سايكەس، ك ح د ر كيم چەن ىننىڭ قىزىن مۇراگەرلىككە تاعايىنداۋ جۇمىستارىن جەدەلدەتىپ جاتىر، دەپ حابارلايدى Yonhap.
وڭتۇستىك كورەيانىڭ ۇلتتىق بارلاۋ قىزمەتى بۇل باعالاۋدى پارلامەنتتىڭ بارلاۋ جونىندەگى كوميتەتىنە ارنالعان جابىق بريفينگ بارىسىندا جاسادى.
- كيم چجۋ ەنىڭ قورعانىسقا قاتىستى مەملەكەتتىك ب ا ق- تا پايدا بولۋى مۇراگەرلىكتى ورناتۋ پروتسەسىن «جەدەلدەتۋ» ارەكەتتەرىنىڭ ءبىر بولىگى بولىپ كورىنەدى، - دەلىنگەن اگەنتتىك جازباسىندا.
وتكەن ايدا سولتۇستىك كورەيانىڭ مەملەكەتتىك ب ا ق-تارى كيم چەن ىننىڭ جاڭا اسكەري تانكتەردى باسقارىپ جاتقانىن حابارلادى، سول كەزدە ونىڭ قىزى كيم چجۋ ە تانك جۇرگىزىپ جۇرگەنى بايقالدى.
وڭتۇستىك كورەيا بارلاۋ قىزمەتى ونىڭ ەلدى باسقارۋعا دايىندىعى تۋرالى العاش رەت 2024 -جىلدىڭ 29 - شىلدەسىندە حابارلاپ، جاعداي وزگەرۋى مۇمكىن ەكەنىن جانە باسقا كانديدات تاڭدالۋى مۇمكىن ەكەنىن اتاپ ءوتتى.
كيم چجۋ ە اكەسىمەن اسكەري شەرۋلەر مەن رەسمي ءىس-شارالارعا ۇنەمى بىرگە جۇرەدى. 2025 -جىلدىڭ قىركۇيەگىندە ول ونىمەن بىرگە قىتايعا باردى. سول كەزدە Yonhap اقپارات اگەنتتىگى بىرلەسكەن ساپار بيلىكتىڭ اۋىسۋىنا دايىندىقتى كورسەتۋى مۇمكىن ەكەنىن حابارلادى. سولتۇستىك كورەيا كوشباسشىسىنىڭ قىزى شامامەن 13 جاستا؛ ونىڭ ناقتى تۋعان كۇنى جاريالانباعان.
بۇدان بۇرىن سولتۇستىك كورەيا جاپونياداعى تەڭىزگە 10 شاقتى بالليستيكالىق زىمىران ۇشىرعانىن جازدىق.
