ەكى وبلىستا جابىلعان جولدار اشىلدى - قازاۆتوجول

استانا. KAZINFORM - رەسپۋبليكادا كۇننىڭ بۇزىلۋىنا بايلانىستى 5 وڭىردە جولدار جابىلعان بولاتىن. تاڭ اتا ەكى وڭىردەگى جولدار اشىلدى، دەپ حابارلايدى «قازاۆتوجول» ۇ ق» ا ق باسپا ءسوز قىزمەتى.

ولار:

- جامبىل وبلىسى «الماتى- تاشكەنت- تەرمەز» اۆتوجولىنىڭ 534-593-شاقىرىمى ارالىعى (ايشا ءبيبى اۋىلى - تۇركىستان وبلىسىنىڭ شەكاراسى)؛

- تۇركىستان وبلىسى «الماتى- تاشكەنت- تەرمەز» اۆتوجولىنىڭ 593-620-شاقىرىمى ارالىعى (جامبىل وبلىسىنىڭ شەكاراسى - تۇرار رىسقۇلوۆ اۋىلىنىڭ شەكاراسى).

ال اقمولا وبلىسىندا كەرىسىنشە قوزعالىس شەكتەلدى.

«2024 -جىلعى 7-قاراشادا ساعات 01:30-دا اقمولا وبلىسىندا كۇننىڭ بۇزىلۋىنا بايلانىستى رەسپۋبليكالىق ماڭىزى بار «استانا- ەرەيمەنتاۋ- شيدەرتى» اۆتوجولىنىڭ 16-200-شاقىرىم ارالىعىندا (استانا قالاسىنان پاۆلودار وبلىسىنىڭ شەكاراسىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويۋ جوسپارلانۋدا»، - دەلىنگەن حابارلامادا.

وسىعان دەيىن كۇن رايىنىڭ كۇرت بۇزىلۋىنا بايلانىستى 5 وڭىردەگى ماڭىزدى اۆتوجولدار جابىلعانى تۋرالى حابارلادىق.