كەي تۇلەكتەر قولدان جاسالعان جالعان ۇ ب ت سەرتيفيكاتىن وتكىزىپ جاتىر
استانا. KAZINFORM - ۇ ب ت سەرتيفيكاتىن قولدان جاساۋ فاكتىلەرى اشكەرە بولدى. ۇلتتىق تەستىلەۋ ورتالىعى وسىنداي جاعدايلار جيىلەپ كەتكەنىن حابارلادى.
«وكىنىشكە قاراي، بيىل جالعان ۇ ب ت سەرتيفيكات ۇسىنۋ جاعدايلارى انىقتالدى. قازىرگى ۋاقىتتا گرانت كونكۋرسىنا قۇجات قابىلدانىپ جاتىر، قابىلداۋ كوميسسياسىنا 10-نان استام جالعان سەرتيفيكات ۇسىنىلعان. ۇ ب ت سەرتيفيكاتىن قولدان جاساۋ مۇمكىن ەمەس ەكەنىن ەسكەرۋ ماڭىزدى. ءاربىر سەرتيفيكاتتا ونىڭ ءتۇپنۇسقالىعىن بىردەن تەكسەرۋگە مۇمكىندىك بەرەتىن بىرەگەي QR كودى بار. سونداي-اق، ۇ ب ت سەرتيفيكاتى رەسمي قۇجات بولىپ تابىلادى جانە ونى قولدان جاساۋ ق ر قىلمىستىق كودەكسىنىڭ 385-بابى بويىنشا قىلمىستىق جاۋاپكەرشىلىككە اكەپ سوعادى» دەپ ەسكەرتەدى ۇ ت و.
مىسالى، مىنا سەرتيفيكاتتا QR-كود اشىلمايدى، سونداي-اق ساندار ءار ءتۇرلى شريفتپەن، ءارتۇرلى كولەمدە جازىلعان.
سەرتيفيكاتتى قولدان جاساۋدىڭ بارلىق جاعدايى ءتيىستى شارا قابىلداۋ ءۇشىن قۇقىق قورعاۋ ورگاندارىنا جولدانادى.
ەستەرىڭىزگە سالا كەتەيىك، ۇ ب ت سەرتيفيكاتى app.testcenter.kz سايتىندا جەكە كابينەتتە، certificate.testcenter.kz سايتىندا جانە eGov ەلەكتروندى ۇكىمەت پورتالىندا ورنالاسقان.
