ەكى ايعا قامالعان ەكس-مينيستر ەرلان تۇرعىمبايەۆتىڭ قايدا ەكەنى ايتىلدى

тұрғымбаев
Фото: ОҚК

استانا. KAZINFORM - سوت سانكسياسىمەن ەكى ايعا قاماۋعا الىنعان بۇرىنعى ىشكى ىستەر ءمينيسترى ەرلان تۇرعىمبايەۆ استاناداعى ۋاقىتشا ۇستاۋ يزولياتورىندا وتىر.

بۇل تۋرالى باس پروكۋراتۋرا Halyq Uni رەسمي ساۋالىنا بەرگەن جاۋابىندا ايتتى.

ەرلان تۇرعىمبايەۆ قىلمىستىق كودەكستىڭ 362-بابىنىڭ 4-بولىگىندە كورسەتىلگەن قۇقىقبۇزۋشىلىقتى جاسادى دەگەن كۇدىككە ىلىنگەن. بۇل باپتا قىزمەتتىك مىندەتىن ورىنداۋ كەزىندە بيلىكتى نەمەسە لاۋازىمدىق وكىلەتىن اسىرا پايدالانۋ ارەكەتى كورسەتىلگەن.

تۇرعىمبايەۆ استانا قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالىپ، وعان كۇزەتپەن ۇستاۋ تۇرىندەگى بۇلتارتپاۋ شاراسى قولدانىلعان، - دەلىنگەن اقپاراتتا.

ايتا كەتەيىك، قىلمىستىق ءىس قۇجاتتارىندا مەملەكەتتىك قۇپيالار قامتىلعان.

2024-جىلدىڭ 30-ساۋىرىندە بۇرىنعى ىشكى ىستەر ءمينيسترى ەرلان تۇرعىمبايەۆ ۇستالعانى حابارلاندى. باس پروكۋراتۋرا 2022-جىلعى قاڭتار وقيعاسىنا بايلانىستى قىلمىستىق ىستەردى تەرگەۋدى جالعاستىرىپ جاتقانىن مالىمدەدى.

ەرلان تۇرعىمبايەۆ 2019-2022-جىلدارى ىشكى ىستەر مينيسترلىگىن باسقاردى. سودان كەيىن قازاقستان پرەزيدەنتىنىڭ كەڭەسشىسى بولدى. ول بۇل قىزمەتتەن جارتى جىلدان كەيىن بوساتىلدى.

سوڭعى جاڭالىقتار