كوزگە كورىنبەيتىن قاۋىپ: كەنە ارقىلى تارالاتىن اۋرۋ كۇشەيىپ كەلەدى

اۋرۋ جامبىل، قىزىلوردا، تۇركىستان وبلىستارىندا جانە شىمكەنت قالاسىندا جيى كەزدەسەدى. كەنەلەردىڭ بەلسەندىلىگى ناۋرىزدا باستالىپ، مامىر-ماۋسىم ايلارىندا شارىقتاۋ شەگىنە جەتەدى.

قاۋىپ توبىنا مال شارۋاشىلىعىندا جۇمىس ىستەيتىندەر، ەندەميالىق ءوڭىر تۇرعىندارى جانە ناۋقاستارمەن بايلانىستا بولاتىن مەديتسينا قىزمەتكەرلەرى كىرەدى.

ينكۋباتسيالىق كەزەڭ 2-14 كۇندى قۇرايدى. اۋرۋ جوعارى تەمپەراتۋرامەن (39-40 گرادۋس)، باس اۋرۋىمەن، قالتىراۋمەن، بۇلشىقەت پەن بۋىننىڭ اۋىرسىنۋىمەن باستالادى. بىرنەشە كۇننەن كەيىن قان كەتۋ بەلگىلەرى پايدا بولۋى مۇمكىن.

مامانداردىڭ ايتۋىنشا، دەر كەزىندە ەمدەلمەگەن جاعدايدا بۇل اۋرۋ ولىمگە اكەلۋى ىقتيمال.

- الدىن الۋ ءۇشىن تابيعاتتا رەپەللەنت قولدانۋ، دەنەنى كەنەگە تەكسەرۋ، قورعانىش كيىم كيۋ جانە جانۋارلاردى ارنايى وڭدەۋدەن وتكىزۋ ۇسىنىلادى. كەنە شاققان جاعدايدا ءوز بەتىنشە ارەكەت ەتپەي، دەرەۋ مەديتسينالىق كومەككە جۇگىنۋ قاجەت، - دەلىنگەن حابارلامادا.

وسىدان بۇرىن اقمولا وبلىسىندا 90 نان استام ادامدى كەنە شاققانىن جازعان ەدىك.