كوستەنكو شاحتاسىنىڭ 9 لاۋازىمدى تۇلعاسى كۇدىكتى دەپ تانىلىپ وتىر - باس پروكۋراتۋرا

استانا. KAZINFORM - باس پروكۋراتۋرانىڭ سوتقا دەيىنگى تەرگەپ-تەكسەرۋ قىزمەتىنىڭ وتكەن جىلعى جۇمىسىن قورىتىندىلادى.

باس پروكۋراتۋرانىڭ باسپا ءسوز قىزمەتى تاراتقان مالىمەتتەرگە قاراعاندا، 2007 -جىلدان بەرى پروكۋراتۋرا ورگاندارىندا ارنايى پروكۋرورلار ينستيتۋتى جۇمىس ىستەي باستادى.

ارنايى پروكۋرورلارعا رەزونانستىق جانە اسا كۇردەلى ىستەردى تەرگەۋ تاپسىرىلادى.

اتاپ ايتقاندا، ولاردىڭ تاجىريبەسى اقتوبە، اتىراۋ جانە جامبىل قالالارىنداعى تەرروريستىك اكتىلەردى، الماتىدا تەرروريست كۇلەكبايەۆتىڭ بەيبىت ازاماتتاردى ءولتىرۋىن، ارقانكەرگەندەگى شەكاراشىلار ءولىمى، قوردايداعى تارتىپسىزدىك، دۋجنوۆتىڭ ەكى پوليتسەيدى، سوت ورىنداۋشىسى مەن ءوندىرىپ الۋشىلاردى اتۋى، كارتوپ تۇقىمىن ساتىپ الۋعا سۋبسيديا بەرۋ كەزىندە قازاقستاننىڭ جەتى وڭىرىندەگى جۇيەلى سىبايلاس جەمقورلىقتى جانە ت. ب. ىستەردى تەرگەۋدە پايدالانىلدى.

وتكەن - 2023 -جىلى ارنايى پروكۋرورلار ءبىرقاتار رەزونانستىق ىستەردى تەرگەۋدى اياقتادى، ولار بويىنشا سوتتالعان:

- ەكس-قورعانىس ءمينيسترى، الماتى قالاسى، الماتى، جامبىل، قىزىلوردا وبلىستارىنىڭ پوليتسيا جانە ۇقك دەپارتامەنتتەرىنىڭ باستىقتارى - قاڭتار وقيعالارى كەزەڭىندە بيلىكتى اسىرا پايدالانعانى ءۇشىن؛

- «ەكىباستۇز ج ە و» باسشىلىعى - جىلۋ جەلىلەرىندە اپاتقا اكەپ سوققان نەمقۇرايلىلىق ءۇشىن؛

- «ساتۋرن 2012» ج ش س ديرەكتورى قارۋ-جاراق دۇكەنىندە 4 ادامنىڭ ءومىرىن قيعان جارىلىسقا جول بەرگەنى ءۇشىن.

سونىمەن قاتار جاپپاي تارتىپسىزدىكتەردى ۇيىمداستىرۋشىلار – ۇ ق ت جەتەكشىسى جۇماگەلديەۆ، ۇ ق ك 5-شى دەپارتامەنتىنىڭ بۇرىنعى باستىعى ىسقاقوۆ، الماتى ءماسليحاتىنىڭ بۇرىنعى دەپۋتاتى قۇدايبەرگەنوۆ، بانديتيزم مەن جاپپاي تارتىپسىزدىكتەرگە قاتىسقانى ءۇشىن؛

- ماحاتوۆ (قورعاس قىلمىستىق ءىسى بويىنشا «اگەنت سانىچ» دەگەن اتپەن بەلگىلى)؛

- الماتى قالاسىندا مەترو قۇرىلىسىنا ارنالعان جابدىقتاردى ساتىپ الۋ كەزىندە 5 ميلليارد تەڭگە جىمقىرعان «مەتروپوليتەن» باسشىلىعى؛

- ءورت ءسوندىرۋ بارىسىندا ورمان شارۋاشىلىعىنىڭ 14 قىزمەتكەرى قازا تاپقان اباي وبلىسىنداعى ورمان ءورتى ءۇشىن «سەمەي ورمانى» رەزەرۆاتىنىڭ باسشىلارى بويىنشا ىستەر سوتقا جولداندى.

سونداي-اق اباي وبلىسىنداعى ورتتەر بويىنشا ەكولوگيا مينيسترلىگىنىڭ جانە ءبىرىڭعاي ەنەرگيا جۇيەسىندەگى ىركىلىسكە الىپ كەلگەن «KEGOC» پەن 3-ج ە س-تەگى اپات فاكتىسى بويىنشا «م ا ە ك- قازاتومونەركاسىپ» لاۋازىمدى تۇلعالارىنا قاتىستى تەرگەۋ جۇرگىزىلۋدە.

قاراعاندى قالاسىنداعى ەرەكشە بالالارعا ارنالعان ارنايى مەكەمەدە 14 مۇگەدەك بالانىڭ ۋلانۋ جانە الماتىداعى جاتاقحانادا 13 ادامنىڭ ءومىرىن قيعان ءورت جاعدايلارى تەرگەلۋدە.

46 كەنشى قازا تاپقان كوستەنكو اتىنداعى شاحتاداعى جارىلىستاردى تەرگەۋ اياقتالۋعا جاقىن. شاحتانىڭ 9 لاۋازىمدى ادامى كۇدىكتى رەتىندە تانىلىپ، قاماۋعا الىندى.

مەملەكەت اكتيۆتەرىن 100 ميلليارد تەڭگەگە جىمقىرۋ فاكتىلەرىنە باعا بەرىلۋدە.

2023 -جىلدىڭ قاڭتارىنان باستاپ ازاپتاۋدى تەرگەۋ ارنايى پروكۋرورلاردىڭ ايرىقشا تەرگەۋىنە جاتقىزىلدى.

2023 -جىلى پسيحيكالىق جانە فيزيكالىق زيان كەلتىرگەنى ءۇشىن كۇشتىك ۆەدومستۆولاردىڭ 69 قىزمەتكەرى قىلمىستىق قۋدالاۋ وربيتاسىندا بولدى، جىل سوڭىنا دەيىن 21 لاۋازىمدى ادام سوتتالدى.

ازاپتاۋدىڭ الدىن الۋ اياسىندا كەشەندى جۇمىستار جۇرگىزىلۋدە.

مەملەكەت باسشىسىنىڭ قۇقىق قورعاۋ ورگاندارىنىڭ مەكەمەلەرىن جاپپاي بەينەباقىلاۋمەن قامتاماسىز ەتۋ جونىندەگى تاپسىرماسىنىڭ ورىندالۋى تەكسەرىلدى.

پروكۋراتۋرا ورگاندارىنىڭ ۇسىنىسى بويىنشا عيماراتتارداعى 4 مىڭنان استام «سوقىر ايماق» جويىلدى.

ازاپتاۋلاردىڭ الدىن الۋ بويىنشا تيىسىنشە جۇمىس ىستەمەگەنى ءۇشىن 118 قىزمەتكەر تارتىپتىك جاۋاپقا تارتىلدى، ونىڭ ىشىندە 19 قۇقىق قورعاۋ ورگاندارىنىڭ باسشىلارى بار.

باس پروكۋراتۋرا ءى ءى م-مەن بىرلەسىپ ەلىمىزدىڭ بارلىق پوليتسەيلەرىنىڭ قاتىسۋىمەن ازاپتاۋعا «نولدىك» توزىمدىلىك تۋرالى اشىق كەڭەستەر وتكىزدى.

باس پروكۋراتۋرانىڭ باستاماسى بويىنشا ءى ءى م بۇيرىعىمەن ازاپتاۋدىڭ الدىن الۋ ءۇشىن ءبىرىنشى باسشىلار مەن قىزمەتكەرلەردىڭ جاۋاپكەرشىلىگى بەكىتىلدى.

ادام قۇقىقتارى جونىندەگى ۇلتتىق ورتالىق پەن باس پروكۋراتۋرا اراسىنداعى ءوزارا ءىس-قيمىل تۋرالى مەموراندۋمعا قول قويىلدى.

كۇشتىك قۇرىلىمداردىڭ قىزمەتكەرلەرى اراسىندا «ازاپتاۋدىڭ الدىن الۋ» تاقىرىبىندا انونيمدى ساۋالناما جۇرگىزىلدى.

ءىس-شارانىڭ نەگىزگى ماقساتى-قىزمەتكەرلەردى ازاپتاۋعا ىقپال ەتەتىن سەبەپتەر مەن جاعدايلاردى انىقتاۋ، ولاردى تالداۋ جانە الدىن الۋدىڭ ءتيىمدى شارالارىن ازىرلەۋ.

ساۋالناما ناتيجەلەرى بويىنشا ازاپتاۋدى جويۋدىڭ جاڭا باعىتتارى انىقتالدى.