كورەيا مەن قازاقستان سيرەك كەزدەسەتىن مەتالدار ءوندىرىسى سالاسىنداعى سەرىكتەستىكتى دامىتادى

استانا. KAZINFORM - كورەيا مەن قازاقستان سيرەك كەزدەسەتىن مەتالدار ءوندىرىسى سالاسىنداعى سەرىكتەستىكتى دامىتادى.

Корея ва Қозоғистон нодир металлар саноати соҳасида ҳамкорликни ривожлантиради
Фото: Ақорда

بۇل تۋرالى اقوردادا مەملەكەت باسشىسى قاسىم- جومارت توقايەۆپەن كەلىسسوزدەردەن كەيىنگى بىرلەسكەن مالىمدەمە بارىسىندا وڭتۇستىك كورەيا پرەزيدەنتى يۋن سوك ەلمەن ايتتى.

-قازىر الەم ءورشىپ كەلە جاتقان داعدارىسپەن جانە تۇراقسىزدىقپەن بەتپە-بەت كەلىپ وتىر. سوندىقتان ءبىز - ەكى ەلدىڭ كوشباسشىلارى ەلدەرىمىز اراسىنداعى ىنتىماقتاستىقتىڭ بۇرىن- سوڭدى بولماعان ماڭىزعا يە ەكەندىگى تۋرالى ورتاق پايىمعا كەلدىك. ويتكەنى، قازىر كورەيا جاھاندىق باستى مەملەكەت بولۋعا، ال قازاقستان جاڭا قازاقستان قۇرۋعا ۇمتىلۋدا. وسى ماقساتتا ءبىز ەكى ەلدىڭ اراسىنداعى ستراتەگيالىق سەرىكتەستىكتى بارىنشا ءوزارا ءتيىمدى جانە بولاشاققا باعدارلانعان سەرىكتەستىككە اينالدىرۋعا ۋاعدالاستىق، - دەدى كورەيا پرەزيدەنتى.

مارتەبەلى مەيمان قازاقستانعا ساپارى اياسىندا ەلەكتر ەنەرگەتيكاسى سالاسىنداعى ىنتىماقتاستىق تۋرالى مەموراندۋعم قول قويىلعانىن اتاپ ءوتتى.

-سونىڭ نەگىزىندە ەسكىرگەن ەلەكتر ستانسالارىن جاڭعىرتۋ جانە جاڭاراتىن ەنەرگيا كوزدەرى سالاسىنداعى ىنتىماقتاستىقتى كۇشەيتۋگە ۋاعدالاستىق. وسىنىڭ ارقاسىندا ءبىز كومپانيالارىمىزدى قولداۋدى جالعاستىرامىز. ال ولار قازاقستاننىڭ ەلەكتر ەنەرگياسىن ءوندىرۋدى ارتتىرىپ، ونەركاسىبىن دامىتۋعا اتسالىسا بەرەدى. قازاقستاننىڭ باي مينەرالدى رەسۋرستارى مەن كورەيانىڭ تەحنولوگيالىق مۇمكىندىكتەرىن بىرىكتىرىپ، نەگىزگى مينەرالدار جەتكىزىلىمى تىزبەگىن نىعايتۋعا ۋاعدالاستىق. وسى ساپار اياسىندا نەگىزگى مينەرالدار جەتكىزىلىمى تىزبەگىمەن بايلانىستى ءوزارا تۇسىنىستىك تۋرالى 3 مەموراندۋم جاساسۋعا ۋاعدالاستىق. سونىمەن قاتار نەگىزگى پايدالى قازبالالاردى، ونىڭ ىشىندە ءليتييدى بارلاۋ، ءوندىرۋ جانە بالقىتۋ بويىنشا سەرىكتەستىكتى دامىتامىز دەپ شەشتىك، - دەدى ول.

سوڭعى جاڭالىقتار