كورەيا عالىمدارى قاتتى ىستىق پەن سۋىققا توتەپ بەرەتىن «سۋپەرمەتال» جاسادى

استانا. KAZINFORM - وڭتۇستىك كورەياداعى پوحانگ عىلىم جانە تەحنولوگيا ۋنيۆەرسيتەتىنىڭ عالىمدارى ماتەريالتانۋ سالاسىندا ۇلكەن جەتىستىككە قول جەتكىزدى، دەپ حابارلايدى Gazeta.ru.

اتاپ ايتقاندا، ولار 196 گرادۋس تسەلسييدەن 600 گرادۋس تسەلسييگە دەيىنگى تەمپەراتۋرادا ءوز قاسيەتتەرىن ساقتايتىن قورىتپا ويلاپ تاپتى.

جاڭا جوعارى ەنتروپيالىق نيكەل نەگىزىندەگى قورىتپا «گيپەراداپتەر» دەپ اتالدى. ونىڭ باستى ەرەكشەلىگى - تەمپەراتۋرانىڭ كەز كەلگەن وزگەرىسىندە مەحانيكالىق قاسيەتتەرىنىڭ تۇراقتىلىعى. بۇل بۇرىن مەتالل ماتەريالدار ءۇشىن مۇمكىن ەمەس دەپ سانالدى.

بۇل قاسيەتتەردىڭ قۇپياسى - قورىتپانىڭ بويىنا بىركەلكى تارالعان L1₂ نانو ولشەمدى بولشەكتەر. اتالمىش ميكروسكوپيالىق ەلەمەنتتەر ارماتۋرا رەتىندە ارەكەت ەتەدى جانە دەفورماتسيانى بولدىرمايدى. سونىمەن قاتار ماتەريالدىڭ ىشكى قۇرىلىمى سىرتقى جاعدايلارعا قاراماستان جۇكتەمەلەرگە بەيىمدەلە الادى.

بۇل يننوۆاتسيانى تەمپەراتۋرانىڭ ايتارلىقتاي اۋىتقۋى ورىن الاتىن ايماقتاردا قولدانۋعا بولادى. اڭگىمە عارىشتىق زىمىراندار، رەاكتيۆتى قوزعالتقىشتار، اۆتوموبيلدىڭ گاز شىعارۋ جۇيەلەرى، قۋات تۋربينالارى جانە ونەركاسىپتىك قۇبىرلار تۋرالى بولىپ جاتىر.

ەسكە سالا كەتەيىك، وڭتۇستىك كورەيا قازاقستانمەن بىرلەسكەن زەرتتەۋ ينستيتۋتىن قۇرۋعا 16 ميلليون دوللار بولەتىنى جايلى جازعان ەدىك.