كونگودا ەبولا ىندەتى قايتا ءورشىپ كەتۋ قاۋپى بار

استانا. KAZINFORM - كونگو دەموكراتيالىق رەسپۋبليكاسىندا 10-22 - قاڭتار ارالىعىندا ەبولا ىندەتىنە ۇقساس بەلگىلەرى بار اۋرۋدان سەگىز ادام كوز جۇمدى، دەپ حابارلايدى رەسەيلىك ت ا س س.

Конго
Фото: report.az

كونگونىڭ سولتۇستىك- باتىسىندا ەبولا ىندەتى قايتا ءورشۋى مۇمكىن. بۇل تۋرالى ەكۆاتەر پروۆينتسياسىنداعى قىزىل كرەست كوميتەتىنىڭ باسشىسى كولومبا مامپۋياعا سىلتەمە جاساعان Actualite جاڭالىقتار پورتالى حابارلادى.

قاڭتاردىڭ 10 ى مەن 22 ءسى ارالىعىندا پروۆينتسيادا ەبولا ىندەتىنە ۇقساس بەلگىلەرى بار سىرقاتتان سەگىز ادام قازا بولدى. اۋرۋ جۇقتىرعانداردىڭ جالپى سانى - 12. ولگەندەردەن الىنعان سىنامالار زەرتحاناعا جىبەرىلگەن.

- تەك زەرتحانانىڭ ناتيجەلەرى عانا ايماق ۇكىمەتىنە ەبولا ۆيرۋسىنىڭ قايتا پايدا بولعانىن نەمەسە جوقتىعىن رەسمي تۇردە جاريالاۋعا مۇمكىندىك بەرەدى، - دەدى مامپۋيا.

ايتا كەتەيىك، ەبولا ىندەتىنىڭ ەڭ سوڭعى ءورشۋى ەكۆاتەر پروۆينتسياسىندا 2022 - جىلدىڭ ءساۋىر- شىلدە ايلارىندا بولعان. سول كەزدە اۋرۋ جۇقتىرعان بەس ادامنىڭ بارلىعى كوز جۇمعان.

سوڭعى جاڭالىقتار