13:06, 04 - قاڭتار 2024 | GMT +5
كونە التىن تەڭگەنى 100 مىڭ دوللارعا ساتپاق بولعاندار ۇستالدى
«پەترۋ بوگدانوۆۋ 1899» دەگەن جازۋى بار بۇل التىن تەڭگە ⅩⅨ عاسىردىڭ سوڭىنداعى مادەني بايلىققا جاتادى، دەپ حابارلايدى Kazinform وزبەكستان باس پروكۋراتۋراسى جانىنداعى ەكونوميكالىق قىلمىسقا قارسى كۇرەس دەپارتامەنتىنىڭ باسپا ءسوز قىزمەتىنە سىلتەمە جاساپ.
ەكونوميكالىق قىلمىسقا قارسى كۇرەس باسقارماسى سۇرحانداريا وبلىسىندا ازاماتتار ج. ا. جانە ا. ج. ازامات ا. ە. -گە ⅩⅨ عاسىردىڭ سوڭىنداعى مادەني بايلىققا جاتاتىن، سالماعى 61,69 گرام بولاتىن «پەترۋ بوگدانوۆۋ 1899» دەگەن جازۋى بار كونە التىن تەڭگەنى 100 000 ا ق ش دوللارىنا ساتىپ جاتقان كەزدە زاتتاي ايعاقتارمەن ۇستادى.
وسى جاعدايعا بايلانىستى وزبەكستان قىلمىستىق كودەكسىنىڭ 177-بابى (ۆاليۋتا قۇندىلىقتارىن زاڭسىز يەمدەنۋ نەمەسە وتكىزۋ) بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.
