كولىكتىك باقىلاۋ ينسپەكتسياسى قىزمەتكەرلەرى كاسىپكەرلەردەن اقشا بوپسالاپ كەلگەن
ەلىمىزدىڭ بەس قالاسىندا كولىكتىك باقىلاۋ ينسپەكتسياسى قىزمەتكەرلەرى سىبايلاس جەمقورلىق كۇدىگىنە ءىلىندى، دەپ حابارلايدى Kazinform ۇلتتىق قاۋىپسىزدىك كوميتەتىنە سىلتەمە جاساپ.
2023 -جىلعى 21-قاراشادا ۇلتتىق قاۋىپسىزدىك كوميتەتى باس پروكۋراتۋرانىڭ ۇيلەستىرۋىمەن استانا، شىمكەنت قالالارىندا، سونداي- اق اقتوبە، قاراعاندى جانە قىزىلوردا وبلىستارىندا جەدەل- تەرگەۋ شارالارىنىڭ شەڭبەرىندە كولىك مينيسترلىگى كولىكتىك باقىلاۋ ينسپەكتسياسىنىڭ ءبىرقاتار جۇمىسشىسىن ۇستادى.
ولار سالماقتىق جانە گاباريتتىك پارامەترلەرىن بۇزعان اۆتوكولىكتەردى بوگەتسىز وتكىزۋگە كاسىپكەرلەردەن اقشالاي قاراجاتتى جۇيەلى تۇردە بوپسالاعانى ءۇشىن كۇدىككە ءىلىندى.
قازىر قىلمىستىق كودەكستىڭ 366-بابى بويىنشا سوتقا دەيىنگى تەرگەپ- تەكسەرۋ جۇرگىزىلىپ جاتىر.
قىلمىستىق- پروتسەستىك كودەكستىڭ 201-بابى 1-بولىگىنە سايكەس وزگە اقپاراتتار جاريالانۋعا جاتپايدى.
