10:31, 04 - تامىز 2025 | GMT +5
كولىك ۆيتسە-ءمينيسترى پارا الدى دەگەن كۇدىكپەن قاماۋعا الىندى
استانا. KAZINFORM - بۇل تۋرالى ق ر ۇ ق ك باسپا ءسوز قىزمەتى حابارلادى.
- سىبايلاس جەمقورلىققا قارسى ءىس-قيمىل تۋرالى ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتى قازاقستان رەسپۋبليكاسىنىڭ كولىك ۆيتسە-ءمينيسترىن پارا الدى دەگەن كۇدىكپەن ۇستاپ، سوت سانكسياسىمەن قاماۋعا الدى، - دەلىنگەن ۇ ق ك حابارلاماسىندا.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
وسىدان بۇرىن ۇ ق ك-نىڭ جاڭا قىزمەتى ءبىر ايدا سىبايلاس جەمقورلىققا قاتىستى 17 قىلمىستىق ءىس قوزعاعانى بەلگىلى بولدى.
جاقىندا پرەزيدەنت ق ر ۇ ق ك سىبايلاس جەمقورلىققا قارسى ءىس-قيمىل قىزمەتى تۋرالى ەرەجەنى بەكىتتى.
