كولىك مينيسترلىگى اقتاۋ ماڭىنداعى ۇشاق اپاتىنا قاتىستى مالىمدەمە جاسادى
استانا. KAZINFORM – ق ر كولىك مينيسترلىگى اقتاۋ ماڭىنداعى ۇشاق اپاتىنا قاتىستى مالىمدەمە جاسادى.

ۆەدومستۆو اۆياتسيالىق وقيعانىڭ سەبەبىن انىقتاۋ جونىندەگى ارنايى كوميسسياسىنىڭ جۇمىسى جالعاسىپ جاتقانىن حابارلادى.
- الدىن الا ەسەپ جاريالانعانعا دەيىن بۇل كوميسسيا رەسمي دەرەككوزى جوق، عالامتوردا جاريالانعان دەرەككە تۇسىنىكتەمە بەرمەيدى، - دەپ جازىلعان اقپاراتتا.
ەستەرىڭىزگە سالا كەتەيىك، كوميسسيا ق ر زاڭناماسىنىڭ تالاپتارىنا جانە ي ك ا و- نىڭ 13-قوسىمشاسىنىڭ تالاپتارىنا سايكەس الدىن الا ەسەپ جاريالايدى. وندا تەرگەۋ بارىسى جانە تەرگەۋ ناتيجەسىندە انىقتالعان ناقتى اقپارات بولادى.
ايتا كەتەيىك، اقتاۋدا Azerbaijan Airlines ۇشاعى اپاتقا ۇشىرادى.
ۇشاق بورتىندا 67 ادام، ونىڭ ىشىندە بەس ەكيپاج مۇشەسى بولعان. وقيعا سالدارىنان 38 جولاۋشى قازا تاپتى.
بۇعان دەيىن اقتاۋ تۇبىندەگى ۇشاق اپاتىنىڭ سەبەپتەرى قاشان ناقتى ايتىلاتىنى بەلگىلى بولعان ەدى.
30-جەلتوقساندا قازاقستان بورتتاعى وزدىگىنەن جازعىش قۇرالداردى برازيلياعا جىبەرگەنىن جازدىق.
وسىعان دەيىن «قارا جاشىكتىڭ» برازيلياعا نەلىكتەن جىبەرىلەتىندىگى تۋرالى ساراپشىلاردىڭ پىكىرىن بەرگەن ەدىك.
سونداي-اق، «قارا جاشىكتى» وقۋعا نەشە كۇن كەتەتىنى تۋرالى اۆياتسيا ينجەنەرىنىڭ جاۋابىن جاريالادىق.
بۇدان بولەك، اقتاۋ تۇبىندە قۇلاعان ازەربايجاندىق ۇشاقتىڭ ەكسكليۋزيۆتى سۋرەتتەرى جاريالاندى.
بۇعان دەيىن برازيليانىڭ اۆياتسيالىق وقيعالاردى تەرگەۋ جانە الدىن الۋ ورتالىعى Azerbaijan Airlines (AZAL) كومپانياسى ۇشاعىنىڭ وزدىگىنەن جازعىش قۇرالدارىن (قارا جاشىكتەر) زەرتتەۋدى اياقتاعانى حابارلاندى.
الداعى كۇندەرى استاناعا «قارا جاشىكتەن» الىنعان ماتەريالدار جەتكىزىلەتىنى بەلگىلى بولدى.