كولۋمبيادا شاكيراعا 6 مەترلىك ەسكەرتكىش ورناتىلدى
كولۋمبيالىق ءانشى شاكيراعا ارناپ ءوزى تۋعان باررانكيليا قالاسىندا جاعاجايعا ەسكەرتكىش ورناتىلدى. Kazinform بۇل تۋرالى Euronews-كە سىلتەمە جاساپ حابارلايدى.
سالتاناتتى راسىمگە الەمگە تانىمال پوپ-جۇلدىزدىڭ اتا-اناسى قاتىستى.
6 مەترلىك قولا «شاكيرانى» جاساعان ساۋلەتشى ينو ماركەس ونىڭ 2005-جىلى Hips Don’t Lie («مىقىن وتىرىك ايتپايدى») انىنە تۇسىرىلگەن بەينەكليپىندەگى ءبيىن كورسەتكەن.
قالا مەرى حايمە پۋمارەحو ەسكەرتكىشتىڭ اشىلۋىندا ءسوز سويلەپ، شاكيراعا كاريب ءوڭىرىنىڭ بۇكىل قىز-كەلىنشەكتەرىنە شابىت كوزى بولىپ جۇرە بەر دەپ تىلەك ايتتى.
«وسى ءساتتى اتا-اناممەن بولىسكەنىمە قۋانىشتىمىن. انامنىڭ تۋعان كۇنىندە وسىنداي شاتتىققا بولەنگەنىمە ريزامىن»، - دەپ جازدى شاكيرا ءوزىنىڭ Instagram پاراقشاسىندا.
Посмотреть эту публикацию в Instagram
سونداي-اق ءانشى ەسكەرتكىشتەگى ارناۋ ماتىنىنە كوڭىلى بوساعانىن ايتتى.
كەيىنگى كەزدەرى كەلەڭسىزدىككە تاپ بولعان ءانشى بۇرىنعى سۇيىكتىسى، فۋتبولشى جەرار پيكە ءۇشىن مانسابىندا ءۇزىلىس جاريالاعانىن، ال ول كوزىنە ءشوپ سالعانىن مالىمدەگەن بولاتىن.
ءارتىستىڭ سوزىنشە، ول ءوزىنىڭ اتا-اناسىن ۇلگى ەتىپ، سۇيىكتىسىمەن ءومىرىن بولىسكىسى كەلگەن.
سول سەبەپتى جۇمىسقا قيىن بولسا دا يسپانياعا كوشۋگە كەلىسكەن.
بۇعان دەيىن كولۋمبيالىق ءانشى شاكيرانى ءبىراز ۋاقىت تۇرعان يسپانيا بيلىگى سالىق تولەۋدەن جالتارعانى ءۇشىن ەكىنشى رەت ايىپتاعانىن جازعان بولاتىنبىز.
