ۇلتتىق بانك: يپوتەكا شارتتارىن قايتا قاراۋعا بولادى

استانا. KAZINFORM - ەكونوميكاداعى اقشانىڭ قىمباتتىعى يپوتەكا شارتتارىن قايتا قاراۋعا نەگىز بولۋى مۇمكىن. بۇل تۋرالى ۇلتتىق بانك ءتوراعاسى تيمۋر سۇلەيمەنوۆ كەزەكتى باسپا ءسوز ءماسليحاتىندا ايتتى.

- بازالىق مولشەرلەمەنىڭ قازىرگى دەڭگەيىمەن، ەكونوميكاداعى اقشانىڭ جالپى قۇنىمەن 10، 15، 20 -جىلعا يپوتەكا راسىمدەۋ ارتىق تولەم دەپ ەسەپتەيمىز. ونداي نەسيەنى العاندا «شامام كەلەتىن شىعار»، «تالپىنىپ كورەرمىن» دەپ ويلاۋىڭىز مۇمكىن. ءبىراق 10 جىلدان كەيىن بۇل بورىشتى ۋاقتىلى وتەپ كەتە الاسىز با؟ پاتەرگە ءوز باعاسىنان 3-4 ەسە ارتىق اقشا تولەي الاسىز با؟ بۇل ۇلكەن ماسەلە، - دەدى تيمۋر سۇلەيمەنوۆ.

ايتا كەتۋ كەرەك. قارجى نارىعىن رەتتەۋ جانە دامىتۋ اگەنتتىگى يپوتەكا تاسىلدەرىن تۇزەتۋ جولدارىن پىسىقتاپ جاتىر. ۇسىنىستاردىڭ ىشىندە يپوتەكانىڭ ەڭ جوعارى پايىزدىق مولشەرلەمەسىن %20 بەن شەكتەۋ، نورماتيۆتەردى قايتا ەسەپتەۋ، باستاپقى جارنانى ۇلعايتۋ ىقتيمالدىعى، قارىز الۋشىنىڭ تولەم قابىلەتىن قاتاڭ باعالاۋ سياقتى شارالار تالقىلانىپ جاتىر.

بۇعان دەيىن يپوتەكانىڭ پايىز مولشەرلەمەسىن تومەندەتۋ 1-قاراشاعا دەيىن شەگەرىلگەنىن جازعان ەدىك.