كوكشەتاۋ مەكتەپتەرى تۇگەل ونلاينعا كوشتى: 37- گرادۋس اياز

قاتتى ايازدىڭ بولجانۋىنا بايلانىستى اقمولا وبلىسىنىڭ كوكشەتاۋ قالاسىندا ءبىرىنشى اۋىسىمداعى بارلىق وقۋشى ونلاينعا كوشىرىلدى، دەپ حابارلايدى Kazinform.

«اۋا تەمپەراتۋراسىنىڭ 37- گرادۋسقا تومەندەۋىنە بايلانىستى 8-جەلتوقساندا كوكشەتاۋ قالاسى مەكتەپتەرىنىڭ ءبىرىنشى اۋىسىمداعى 1-11-سىنىپ وقۋشىلارى ءۇشىن ساباق قاشىقتان وتكىزىلەدى»، - دەلىنگەن قالالىق ءبىلىم ءبولىمىنىڭ مالىمەتىندە.

اقمولا وبلىسىنىڭ توتەنشە جاعدايلار دەپارتامەنتى 7-8-جەلتوقسان كۇندەرى وڭىردە 38- گرادۋسقا دەيىن قاتتى اياز بولاتىنى تۋرالى SMS حابارلاما تاراتقان بولاتىن.

ەسكە سالايىق، بەيسەنبى، 7-جەلتوقساندا كوكشەتاۋ مەكتەپتەرىندە ەكىنشى اۋىسىم وقۋشىلارى مەكتەپكە بارعان جوق.

ايتا كەتەيىك، اۋا تەمپەراتۋراسىنىڭ كۇرت تومەندەۋىنەن قازىر استانادان شىعاتىن بارلىق رەسپۋبليكالىق جول جابىق تۇر.

اۆتور
اسلان وسپانوۆ