كوشى-قون سالاسىنداعى بىلىق: جامبىل وبلىسىندا 24 تۇلعا ءىستى بولدى
تاراز. KAZINFORM - زاڭسىز كوشى-قوندى ۇيىمداستىرۋدىڭ الدىن الۋ ماقساتىندا قورداي اۋدانى پروكۋراتۋراسى ۆەدومستۆوارالىق جەدەل تەرگەۋ توبىن قۇردى.
ناتيجەسىندە پاكىستان، اۋعانستان، قىرعىزستان جانە بانگلادەش ەلدەرىنىڭ 20 ازاماتىنا قاتىستى زاڭسىز كوشى-قوندى ۇيىمداستىرعان 4 تۇلعا ۇستالدى. بۇل تۋرالى جامبىل وبلىسىنىڭ پروكۋراتۋراسى مالىمدەدى.
اتالعان فاكتى بويىنشا قورداي اۋداندىق پ ب- مەن ق ك- ءنىڭ 394-بابىنىڭ 2-بولىگى بويىنشا (ادامدار توبىنىڭ الدىن الا ءسوز بايلاسۋىمەن زاڭسىز كوشى-قوندى ۇيىمداستىرۋ) قىلمىستىق ءىس تەرگەپ-تەكسەرىلدى.
«قورداي اۋداندىق سوتىنىڭ ۇكىمدەرىمەن 24 ادام ءتۇرلى مەرزىمگە باس بوستاندىعىنان ايىرىلدى. سونىمەن قاتار وڭتۇستىك ازيانىڭ 20 ازاماتى مەرزىمىن وتەگەننەن كەيىن ەلدەن شىعارىلدى. سوت ۇكىمدەرى زاڭدى كۇشىنە ەندى»، - دەلىنگەن حابارلامادا.
وسىعان ۇقساس اۋدان پروكۋراتۋراسىنىڭ ۇيلەستىرۋ جۇمىستارىنىڭ ناتيجەسىندە نەپال رەسپۋبليكاسىنىڭ 10 ازاماتىنا قاتىستى زاڭسىز كوشى- قوندى ۇيىمداستىرعان 2 قىلمىسكەر قۇرىقتالىپ، 12.05.2024 -جىلعى سوت سانكتسياسىمەن قاماققا الىندى.
قازىرگى تاڭدا اتالعان دەرەك بويىنشا ق ك- ءنىڭ 394-بابىنىڭ 2-بولىگى بويىنشا سوتقا دەيىنگى تەرگەپ- تەكسەرۋ جۇرگىزىلىپ جاتىر.
ق پ ك- ءنىڭ 201-بابىنىڭ تالاپتارىنا سايكەس باسقا مالىمەتتەر جاريالانۋعا جاتپايدى.
اتالعان باعىتتاعى جۇمىستار جالعاسادى.
