كوشپەندىلەر ويىندارى: ەلوردا كوشەلەرىن جوندەۋ قاشان اياقتالادى

استانا. KAZINFORM - استانادا وتەتىن دۇنيەجۇزىلىك كوشپەندىلەر ويىندارىنا وراي كوشەلەرگە جوندەۋ جۇمىستارى ءجۇرىپ جاتىر.

«بۇگىندە «قازانات» يپپودرومى ماڭىنداعى كوشەلەرگە اسفالت-بەتون توسەلدى. قازىر جىلۋ، جارىق، بايلانىس جانە باسقا دا ينفراقۇرىلىم تارتىلىپ جاتىر. بۇل باعىتتاعى جۇمىستار 30 تامىزدا اياقتالادى»، - دەدى استانا قالاسى كولىك جانە جول-كولىك ينفراقۇرىلىمىن دامىتۋ باسقارماسى باسشىسىنىڭ ورىنباسارى مەرەي بايىرحان قالالىق ءماسليحاتتىڭ كوميسسيا وتىرىسىندا.

بۇعان دەيىن حابارلاعانىمىزداي، ەلوردا كوشەلەرىنىڭ ەلەكتروندى پاسپورتى ازىرلەنىپ جاتىر. كوشەلەردى سيفرلاندىرۋ جۇمىستارى الداعى قىركۇيەكتە اياقتالادى.

ايتا كەتەيىك، بۇگىن قالالىق ءماسليحاتىندا قۇرىلىس، ەكولوگيا، كولىك جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى تۇراقتى كوميسسيانىڭ وتىرىسى ءوتتى.

كۇن تارتىبىندە استانا قالاسى مەن ماڭىنداعى تۇرعىن الاپتارىندا جول سالۋ جانە جوندەۋ ماسەلەلەرى قارالدى.