كوپ سەريالى «شەتەلدەگى قازاق بالالارى» تۋرالى دەرەكتى فيلم ءتۇسىرىلدى
Jibek joly تەلەارناسىنىڭ «شەتەلدەگى قازاق بالالارى» جوباسى كورەرمەنگە جول تارتتى، دەپ حابارلايدى قازاقپارات.
Jibek joly تەلەارناسىنىڭ «شەتەلدەگى قازاق بالالارى» جوباسى كورەرمەنگە جول تارتتى، دەپ حابارلايدى قازاقپارات.
بۇل جوبا - حالىقارالىق بالا اسىراپ الۋ جايىنداعى كوپسەريالى دەرەكتى فيلم. باعدارلامادا شەتەلدىك وتباسىلار اسىراپ العان قازاق بالالارىنىڭ تاعدىرى باياندالادى. بالالارمەن تانىسا وتىرىپ، ۋاقىت وتە كەلە ولاردىڭ دۇنيەتانىمى قالاي وزگەرەتىنىن، تۋعان جەرىنە، تىلىنە، كىندىك قانى تامعان ولكەگە تارتىلىس كۇشى قانشالىقتى مىقتى بولاتىنىن بىلەتىن بولامىز.
جوبانىڭ ماقساتى - قازاقستاندا بالا اسىراپ الۋ مادەنيەتىن قالىپتاستىرۋ، ەلىمىزدىڭ بولاشاعىنا ىقپال ەتەتىن رۋحاني جانە وتباسىلىق قۇندىلىقتاردى ناسيحاتتاۋ.
وسى باعدارلاما ارقىلى سىرتقا اعىلعان قازاقستاندىق جەتىم بالالار مەن قازاقستان اراسىنداعى بايلانىستى ورناتۋ، تۋعان ەلدەن جىراققا كەتكەن بۇلدىرشىندەرمەن قارىم-قاتىناستى ۇزبەۋ كوزدەلىپ وتىر. وتان تۋرالى ولار نە بىلەدى؟ ەلمەن ولاردى نە بايلانىستىرادى؟ ءوز تاريحىن، ءتۇپ-تامىرىن ءتۇسىنۋ جاس ءوسپىرىم ءۇشىن نەگە قاجەت؟
باعدارلامانىڭ ەكىنشى ماۋسىمىن ءتۇسىرۋ ءۇشىن تەلەارنا ۇجىمى ا ق ش-تىڭ 13 شتاتىنا بارىپ، وسى الىپ ەلدە العاش رەت ۇلكەن اۋقىمدى ءتۇسىرىلىم جۇرگىزدى.
كاليفورنيادان باستاپ، نيۋ-يورككە دەيىن، «شەتەلدەگى قازاق بالالارى» قانداي وقيعالارمەن ءبولىستى؟ - Jibek joly ارناسىنداعى كوپسەريالى دەرەكتى فيلم اڭگىمەلەيدى.
جوبا كورەرمەنگە 25-قىركۇيەكتە جول تارتادى. ەفيرگە شىعۋ كەستەسى: دۇيسەنبى جانە سەيسەنبى كۇندەرى، ساعات 14.00-دە.
