كۇتپەگەن قوناق: جابايى قابان مەن بالالارى فوتوتۇزاققا ءتۇسىپ قالدى

بۇل - قورىق اۋماعىنداعى جانۋارلار دۇنيەسىنىڭ تابيعي تىرشىلىگىن باقىلاۋدىڭ ءبىر قىزىقتى ءساتى.

قابان تۋرالى قىزىقتى فاكتىلەر:

• قابان - قازاقستاننىڭ تابيعي ەكوجۇيەلەرىندە ماڭىزدى ءرول اتقاراتىن جانۋار.

• ءيىس سەزۋ قابىلەتى وتە جاقسى دامىعان، قورەگىن كوبىنە ءيىس ارقىلى ىزدەيدى.

• قورەگى الۋان ءتۇرلى: وسىمدىكتەردىڭ تامىرى، تۇقىمى، جەمىسى جانە ۇساق جاندىكتەرمەن قورەكتەنەدى.

• كوبىنە تۇنگى ۋاقىتتا بەلسەندى بولادى.

• توپىراقتى قازىپ، ورمان توسەنىشىن ارالاستىرۋ ارقىلى تابيعي پروتسەستەرگە اسەر ەتەدى.

• فوتوتۇزاق قابانداردىڭ قوزعالىسىن ادام قاتىسۋىنسىز باقىلاۋعا مۇمكىندىك بەرەدى.

تابيعاتتاعى ءاربىر كادر - قورىقتاعى جانۋارلار دۇنيەسىنىڭ قۇپيا ومىرىنەن سىر شەرتەتىن قۇندى دەرەك.

بۇعان دەيىن ناۋىرزىم قورىعىندا سىلەۋسىن فوتوتۇزاققا تۇسكەنىن جازعان ەدىك.