ەكس-مينيستر بەكەتايەۆتىڭ ءىسى: ادىلەت مينيسترلىگىنىڭ قىزمەتكەرلەرى سوتقا شاقىرىلعان
استانا. KAZINFORM - ادىلەت مينيسترلىگىنىڭ قىزمەتكەرلەرى ەكس-مينيستر مارات بەكەتايەۆقا قاتىستى ءىس بويىنشا كۋا رەتىندە سوتقا شاقىرىلعان. بۇل تۋرالى قازىرگى ادىلەت ءمينيسترى ەرلان سارسەمبايەۆ مالىمدەدى.
«ءسىزدىڭ الدىڭىزدا قىزمەت اتقارعان مارات بەكەتايەۆتىڭ ءىسى جاقىن ارادا سوتتا قارالادى. ءسىزدى نەمەسە ادىلەت مينيسترلىگىنەن ادامداردى كۋا رەتىندە سوتقا شاقىردى ما؟» - دەپ سۇرادى ءماجىلىس دالىزىندە جۋرناليستەر مينيستردەن.
ەرلان سارسەمبايەۆ بەكەتايەۆ ءىسى بويىنشا سوت پروتسەسى ءجۇرىپ جاتقانىن ايتتى.
«مەنىڭ بىلۋىمشە، ءىس سوتتا قارالىپ جاتىر. مينيسترلىكتەن ەكى قىزمەتكەر كۋا رەتىندە شاقىرىلعان»، - دەدى مينيستر.
سارسەمبايەۆتىڭ ايتۋىنشا، قازىر ادىلەت مينيسترلىگىنىڭ ەشبىر قىزمەتكەرى بەكەتايەۆ ءىسى بويىنشا كۇدىكتى رەتىندە تانىلماعان.
بەكەتايەۆتىڭ ءىسى
بۇرىنعى ادىلەت ءمينيسترى مارات بەكەتايەۆتىڭ ىسىنە قاتىستى دەرەكتەر قۇپيا. مينيستر 2023-جىلى قازاندا قاماۋعا الىنعان بولاتىن. كۇنى بۇگىنگە دەيىن قاماۋدا ۇستاۋ مەرزىمى بىرنەشە رەت ۇزارتىلدى.
بەكەتايەۆقا «ۇلەسكەر كومپانيالاردىڭ مۇددەسىن قولداپ، مەملەكەتكە ءىرى كولەمدە شىعىن كەلتىردى» دەگەن ايىپ تاعىلىپ وتىر.
