ۋكراينادا ۇستالعان «Lider» قارجى پيراميداسىنىڭ باسشىسى قازاقستانعا جەتكىزىلدى

ۋكراينادا ۇستالعان «Lider» قارجى پيراميداسىنىڭ باسشىسى قازاقستانعا جەتكىزىلدى. kazinform بۇل تۋرالى ق ر باس پروكۋراتۋراسىنا سىلتەمە جاساپ حابارلايدى.  

қаржы пирамидасы
Фото: Фото: Александр Павский/"ҚазАқпарат" ХАА

ۋكراينا باس پروكۋرورىنىڭ كەڭسەسى «Lider» قارجى پيراميداسىن باسقاردى دەگەن ايىپپەن ىزدەۋ سالىنعان كۇدىكتىنى ۇستاپ بەرۋ تۋرالى قازاقستان رەسپۋبليكاسى باس پروكۋراتۋراسىنىڭ ءوتىنىشىن قاناعاتتاندىرعان.

وعان 2017-2019 -جىلدار ارالىعىندا جالعان جوبالارعا ازاماتتاردىڭ اقشالاي سالىمدارىن تارتۋدىڭ زاڭسىز سحەماسىن ۇيىمداستىردى دەگەن ايىپ تاعىلىپ وتىر.

سالدارىنان 240 تان استام ازامات الدانىپ، 1,2 ميلليارد تەڭگەسىنەن قاعىلعان.

كۇدىكتى قىلمىستىق قۋدالاۋ ورگاندارىنان جاسىرىنىپ، كەيىن وعان حالىقارالىق ىزدەۋگە جاريالانعان.

«2023 -جىلدىڭ تامىز ايىندا كۇدىكتىنى ۋكراينانىڭ قۇقىق قورعاۋ ورگاندارى ۇستادى.

بۇگىن باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى سىرتقى ىستەر مينيسترلىگىنىڭ كومەگىمەن كۇدىكتىنى قىلمىستىق جاۋاپكەرشىلىككە تارتۋ ءۇشىن قازاقستانعا ەكستراديتسيالادى.

قازىرگى ۋاقىتتا ول استانا قالاسىنىڭ تەرگەۋ يزولياتورىنا قامالدى.

اتالعان قىلمىستاردى جاساعانى ءۇشىن وعان 5 جىلدان 12 جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن»، - دەلىنگەن باس پروكۋراتۋرا مالىمەتىندە.

سوڭعى جاڭالىقتار