ۋكراين قىزىنىڭ ۇشاقتا ايتقان اڭگىمەسى دەپۋتاتقا ۇناپ قالدى

ءماجىلىس دەپۋتاتى داۋلەت مۇقايەۆ ۇشاقتا بولعان قىزىقتى وقيعاسىن ءبولىستى، دەپ حابارلايدى Egemen.kz.

حالىق قالاۋلىسى قازاق تىلىنە قۇشتار ۋكراين قىزىن كەزىكتىرگەن.
«جولاۋشى ەكاتەرينا! كاتياعا ريزا بولعانىم، ۇشاقتا 90 مينۋت بويى قازاق ءتىلىن وقىپ، پلانشەتتە ءتۇرلى جاتتىعۋ، تاپسىرمالاردى ورىنداپ كەلدى. ۇشاق قونار ساتتە شىداي الماي سۇرادىم:
- نە ءۇشىن قازاق ءتىلىن وقىپ جاتىرسىز؟
- مەن ۋكراينادان 1 جىل بۇرىن كەلدىم. قازىر ءبىلىم سالاسىندا جۇمىس ىستەپ ءجۇرمىن. مەنىڭ ويىمشا، قاي ەلدە ءومىر سۇرەسىڭ، سول ەلدىڭ ءتىلىن اركىم ءبىلۋ كەرەك. سول ءۇشىن ۇيرەنىپ ءجۇرمىن. ءبىراق سىزدەردە قازاقتاردىڭ وزدەرى قازاقشا بىلمەيدى ەكەن. سول نارسەگە تاڭعالدىم.
- م م م، ءيا بار سونداي ادامدار. بىزدە قازاق ءتىلىن مەنسىنبەي جۇرگەندەر جەتەدى.
- ول دۇرىس ەمەس. بىلمەسە، وقىسىن، ۇيرەنسىن. مۇمكىندىك كوپ قوي. مەن تەگىن سايتتاردى وقيمىن، ءارى 75000 تەڭگەگە قازاق ءتىلىن ۇيرەتەتىن كۋرس ساتىپ العانمىن. سونى دا قاتار وقىپ ءجۇرمىن»، دەيدى دەپ جازدى داۋلەت مۇقايەۆ. ۋكراين ارۋى، ءتىپتى ءبىر جىلدا قازاق تىلىندە تولىعىمەن سويلەۋگە ۋادە بەرگەن.