كۇننىڭ ىستىعىنا بايلانىستى پويىزداردىڭ جىلدامدىعى تومەندەيدى
تاشكەنت. KAZINFORM - وزبەكستاندا اپتاپ ىستىققا بايلانىستى پويىزداردىڭ ءجۇرۋ جىلدامدىعىنا شەكتەۋ ەنگىزىلەدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
«تەمپەراتۋرا جوعارى بولعان كەزدە تەمىرجول رەلستەرى مەن ولاردىڭ بولات بولىكتەرى قىزادى. جولاۋشىلار مەن پويىزدىڭ قاۋىپسىزدىگىن قامتاماسىز ەتۋ ماقساتىندا جىلجىمالى قۇرامنىڭ قوزعالىس جىلدامدىعىنا شەكتەۋلەر ەنگىزىلەدى»، - دەلىنگەن «ۋزتەميريۋليۋلوۆچي» كومپانياسى تارتقان حابارلامادا.
وسىعان بايلانىستى كومپانيا پويىزداردىڭ كەشىگۋى مۇمكىن ەكەنىن ەسكەرتتى. سونىمەن قاتار ۆاگوندارداعى سالقىنداتۋ جۇيەسىن تولىق قۋاتتا پايدالانۋعا شەكتەۋ ەنگىزىلەدى.
ايتا كەتەيىك، كەيىنگى بىرنەشە كۇن قاتارىنان وزبەكستاندا اپتاپ ىستىق ساقتالۋدا. ورتاشا تەمپەراتۋرا 44+...46+ گرادۋس بولسا، كەيبىر وڭىرلەردە 48+ گرادۋستان جوعارى.
