گااگادا KLM كومپانياسىنىڭ قازاقستانعا رەيستەرىن جاڭارتۋ مۇمكىندىكتەرى تالقىلاندى

None
None
نۇر- سۇلتان. قازاقپارات - قازاقستاننىڭ نيدەرلاندتاعى ەلشىسى اسقار جۇماعاليەۆ «KLM» اۋەكومپانياسىنىڭ حالىقارالىق ىستەر جانە كورپوراتيۆتىك قۇقىق جونىندەگى ۆيتسە-پرەزيدەنتى فرەنك پريليەۆيتزبەن كەزدەسۋ وتكىزدى، دەپ حابارلايدى ق ر س ءى م باسپا ءسوز قىزمەتى.

ەلشى ەلدەرىمىز اراسىنداعى ءوزارا ءىس-قيمىل، ونىڭ ىشىندە ەكونوميكالىق ارىپتەستىك جانە كورولدىكتىڭ وتاندىق ەكونوميكاداعى ءىرى ينۆەستورلار رەيتينگىندەگى كوشباسشىلىعى ايتارلىقتاي جوعارى دەڭگەيدە ەكەنى تۋرالى ايتىپ بەردى.

تاراپتار شەكتەۋ شارالارىنىڭ مەيلىنشە الىنىپ تاستالۋى الەمدەگى ءوزارا ساپارلار اعىنى قالپىنا كەلەتىنىنە سەنىمدىلىك بەرەتىنىن اتاپ ءوتتى. وسىعان وراي، قازاقستاندىق ديپلومات سۇحباتتاس نازارىن ەلىمىزدىڭ تۋريستىك تارتىمدىلىعىنا اۋداردى. ءوز كەزەگىندە كەزدەسۋگە قاتىسقان «KLM» جەلىسىنىڭ ديرەكتورى س. ۆان ستراتەن كومپانيا باعىتتار مەن رەيستەر سانى بويىنشا پاندەميادان بۇرىنعى دەڭگەيگە شىعۋدى جوسپارلاپ وتىرعانىن حابارلادى.

تاراپتار قازاقستان مەن نيدەرلاند اراسىنداعى تىكەلەي اۋە قاتىناسىن قالپىنا كەلتىرۋ مۇمكىندىكتەرىن، سونداي-اق گەوساياسي تۇراقسىزدىق جاعدايىندا بالاما اۋە دالىزدەرىن اشۋ ماسەلەلەرىنە ارنايى كوڭىل ءبولدى. كەلىسسوزدەر قورىتىندىسى بويىنشا «KLM» رەيستەرىنىڭ قازاقستان باعىتىنا جۇزەگە اسۋى جونىندەگى كونسۋلتاتسيالاردى جالعاستىرۋ تۋرالى ۋاعدالاستىققا قول جەتكىزىلدى.


سوڭعى جاڭالىقتار