«كەلەشەك مەكتەپتەرى» جوباسى: 200 مىڭنان استام وقۋشى ورنى پايدالانۋعا بەرىلمەك
استانا. KAZINFORM - ەلىمىزدە مەملەكەت باسشىسىنىڭ باستاماسىمەن «كەلەشەك مەكتەپتەرى» ۇلتتىق جوباسى جۇزەگە اسىرىلۋدا. جوبا اياسىندا بارلىعى 460 مىڭ وقۋشى ورنى اشىلادى. بۇل تۋرالى وقۋ-اعارتۋ مينيسترلىگى ءمالىم ەتتى.
2024 -جىلدىڭ قورىتىندىسى بويىنشا جاڭا فورماتتاعى 105 مەكتەپ سالىندى. ال 2025 -جىلدىڭ سوڭىنا دەيىن تاعى 112 مەكتەپ پايدالانۋعا بەرىلەدى. وسىلايشا، جاڭا وقۋ جىلىندا قوسىمشا 206 مىڭ وقۋشى ورنى بەرىلەدى.
اتالعان جوبا اياسىندا سالىنعان مەكتەپتەر بۇرىنعى تيپتىك مەكتەپتەردەن ەداۋىر ەرەكشەلەنەدى. ولاردىڭ جالپى اۋماعى %15- 20 عا ۇلكەن، ال تەحنيكالىق جابدىقتالۋ دەڭگەيى ءتورت ەسە جوعارى. ءار مەكتەپتە روبوتوتەحنيكا كابينەتتەرى، STEM زەرتحانالار، حورەوگرافيا زالدارى، كوۆوركينگ ايماقتارى مەن ءتورت سپورت زالعا دەيىن قاراستىرىلعان.
ۇلتتىق جوبا اياسىندا بارلىعى 460 مىڭ وقۋشى ورنىنا ارنالعان 217 مەكتەپ سالۋ جوسپارلانعان.
