دەكلاراتسياعا قاجەتتى مالىمەتتەردى جيناپ ۇلگەرمەگەندەر نە ىستەۋى كەرەك – م ك ك تۇسىندىرمەسى

بۇل تۋرالى مەملەكەتتىك كىرىستەر كوميتەتى جەكە تۇلعالاردىڭ كىرىستەرىن اكىمشىلەۋ باسقارماسىنىڭ باس ساراپشىسى گۇلدەن حاسەنوۆا ايتتى.

ونىڭ مالىمەتىنشە، 2025-جىلعا ارنالعان دەكلاراتسيانى تاپسىرۋ مەرزىمىنىڭ اياقتالۋىنا شامامەن ءۇش اپتا قالدى. 270.00 نىسانىن 15-قىركۇيەكتەن كەشىكتىرمەي تاپسىرۋ قاجەت. الايدا كەيبىر ازاماتتار جىل ىشىندە مۇلىكپەن بىرنەشە مامىلە جاساعان جاعدايدا قيىندىققا تاپ بولۋى مۇمكىن.

- مىسالى، كەيبىر ازامات قاجەتتى مالىمەتتەردى سۇراتىپ الۋعا ۇلگەرمەي قالۋى ىقتيمال. كولىك ساتقان كەزدە ادامنىڭ ونى كىمگە ساتقانىن ەسىنە تۇسىرە الماي قالاتىن جاعدايلار جيى كەزدەسەدى. ال دەكلاراتسيادا ساتىپ الۋشىنىڭ ج س ن- ءىن، اتى-ءجونىن جانە كولىكتى قانشا سوماعا ساتىپ العانىن كورسەتۋ قاجەت. سوندىقتان ازامات باستاپقى دەكلاراتسياسىنا تۇزەتۋ ەنگىزىپ، تالاپ قويۋ مەرزىمى ءۇش جىل ىشىندە قوسىمشا دەكلاراتسيا تاپسىرا الادى، - دەپ ءتۇسىندىردى ول م ك ك پاراقشاسىنداعى تىكەلەي ەفير بارىسىندا.

دەكلاراتسيانى مىنا ازاماتتار تاپسىرۋى ءتيىس:

• مەملەكەتتىك قىزمەتشىلەر، ولارعا تەڭەستىرىلگەن تۇلعالار جانە ولاردىڭ جۇبايلارى؛

• زاڭدى تۇلعالاردىڭ باسشىلارى، قۇرىلتايشىلارى مەن قاتىسۋشىلارى، سونداي-اق ولاردىڭ رەزيدەنت جۇبايلارى؛

• بانكتەردىڭ، ساقتاندىرۋ ۇيىمدارىنىڭ جانە باعالى قاعازدار نارىعىنىڭ ءىرى قاتىسۋشىلارى؛

• جەكە پراكتيكامەن اينالىساتىن تۇلعالار: نوتاريۋستار، جەكە سوت ورىنداۋشىلارى، مەدياتورلار جانە ادۆوكاتتار؛

• 2025-جىلى جالپى قۇنى 20 مىڭ ا ە ك- تەن (86,5 ميلليون تەڭگە) اساتىن مۇلىك پەن باسقا دا اكتيۆتەر ساتىپ العان قازاقستاندىقتار؛

• سالىق اگەنتىنەن بەلگىلى ءبىر سالىقتىق شەگەرىمدەردى قولدانعان تۇلعالار؛

• سيفرلىق اكتيۆ يەلەرى؛

• ءوز بەتىنشە دەكلاراتسيالاپ، سالىق تولەۋدى قاجەت ەتەتىن كىرىس العان ازاماتتار.

قۇنى 20 مىڭ ا ە ك- تەن اساتىن مۇلىكتى ساتىپ الۋعا قاتىستى تالاپ قازاقستانداعى اكتيۆتەرگە دە، شەتەلدەگى اكتيۆتەرگە دە قولدانىلادى.

270.00 نىسانىندا مىنالار كورسەتىلۋى قاجەت:

• دەبيتورلىق جانە كرەديتورلىق بەرەشەك؛

• سالىقتىق شەگەرىمدەر؛

• ءوز بەتىنشە سالىق سالىنۋعا جاتاتىن كىرىستەر، مىسالى، مۇلىكتى ساتۋ كەزىندە قۇن وسىمىنەن الىنعان تابىس؛

• 2025-جىلعى 31-جەلتوقسانداعى جاعداي بويىنشا قۇنى 1000 ا ە ك- تەن (4,325 ميلليون تەڭگە) اساتىن شەتەلدەگى اكتيۆتەر؛

• باعالى قاعازدار جانە شەتەلدىك كومپانيالارداعى قاتىسۋ ۇلەستەرى؛

• مۇلىكتى ساتىپ الۋ جانە يەلىكتەن شىعارۋ تۋرالى مالىمەتتەر.

- ەگەر ادام ءوز بەتىنشە سالىق سالىنۋعا جاتاتىن كىرىس السا، ونى ونى 270-نىساندا كورسەتۋى قاجەت. مىسالى، ول جىلجىمايتىن مۇلىكتى 10 ميلليون تەڭگەگە ساتىپ الىپ، كەيىن ونى 15 ميلليون تەڭگەگە ساتسا، الىنعان كىرىستى دەكلاراتسيادا كورسەتۋى كەرەك. سونداي-اق 2025-جىلعى 31-جەلتوقسانداعى جاعداي بويىنشا شەتەلدەگى اكتيۆتەردى دە دەكلاراتسيادا كورسەتۋ قاجەت. مىسالى، ادامنىڭ تۇركيادا پاتەرى نەمەسە شۆەيتساريا بانكىندەگى شوتىندا 500 مىڭ ەۋروسى بولسا، بۇل مالىمەتتەردى 270-نىسانعا ەنگىزۋ قاجەت، - دەپ ءتۇسىندىردى گۇلدەن حاسەنوۆا.

قازاقستاندا جەكە مۇددەلەر تۋرالى دەكلاراتسيانى كىم جانە قاشان تولتىرۋى كەرەك ەكەنىن جازعان ەدىك.