16:12, 05 - قازان 2023 | GMT +5
كاراتەشى لاۋرا ءالىقۇل ازيا ويىندارىنىڭ فينالىنا شىقتى
كاراتەدەن لاۋرا ءالىقۇل (68 كەلى) قىتايدىڭ حاڭجوۋ قالاسىندا ءوتىپ جاتقان ⅩⅨ جازعى ازيا ويىندارىنىڭ فينالىنا شىقتى، دەپ حابارلايدى قازاقپارات ءتىلشىسى.

ق ر تۋريزم جانە سپورت مينيسترلىگى سپورتتى دامىتۋ ديرەكتسياسى باسپا ءسوز قىزمەتىنىڭ حابارلاۋىنشا، لاۋرا جارتىلاي فينالدا يندونەزيالىق سەيكو دجوردجيا زەفانيانى 5:1 ەسەبىمەن جەڭىپ كەتتى.
قارسىلاسى 2 دۇركىن ازيا چەمپيونى اتانعان تاجىريبەلى سپورتشى بولاتىن.
لاۋرا جارتىلاي فينالعا دەيىن تاعى ءبىر 2 دۇركىن ازيا چەمپيونى حۋونگ زي دينحتى (ۆەتنام) 7:4 ەسەبىمەن ورتا جولدا قالدىردى.
ەندى ول فينالدا قىتايلىق تسياوتسياو ليمەن كۇش سىناسادى. قىتايلىق سپورتشى بۇعان دەيىن ازيا چەمپيوناتىنىڭ كۇمىس جانە قولا جۇلدەگەرى بولعان.
ەسكە سالساق، ازيا ويىندارىندا كاراتەشى نۇرقانات ءاجىقانوۆ فينالعا شىقتى.