كۇندە قۋاتتى جارقىل تىركەلدى

قولدانبالى گەوفيزيكا ينستيتۋتىنىڭ مالىمەتىنشە، M ساناتىنداعى جارقىل 20-شىلدە كۇنى ماسكەۋ ۋاقىتىمەن ساعات 17:36 دا (استانا ۋاقىتىمەن 20:36) تىركەلگەن.

- رەنتگەن دياپازونىندا 4489 (S04W22) كۇن داقتارى توبىندا M2.5 ساناتىنداعى، ۇزاقتىعى 11 مينۋت بولعان جارقىل تىركەلدى،-دەلىنگەن ينستيتۋت حابارلاماسىندا.

مامانداردىڭ ايتۋىنشا، M ساناتىنداعى جارقىلدار قۋاتى جاعىنان X ساناتىنان كەيىنگى ەكىنشى ورىندا جانە كەي جاعدايدا جەردىڭ ماگنيت ورىسىنە اسەر ەتۋى مۇمكىن.

ايتا كەتەيىك، بۇعان دەيىن 22-شىلدەدە جەردە ماگنيتتىك داۋىلدار بولاتىنى حابارلانعان ەدى.