جەڭىسكە جەتۋ ءۇشىن رۋحاني كۇشتى بولۋ كەرەك - مەيىرجان ءماتجان
قونايەۆ. قازاقپارات - V دۇنيەجۇزىلىك كوشپەندىلەر ويىندارىندا الماتى وبلىسى اتىنان قاتىساتىن سپورتشىلار استاناعا ەرەكشە قۇرمەتپەن اتتاندى.
دۇنيەجۇزىلىك كوشپەندىلەر ويىندارىنا شىعارىپ سالۋ ءراسىمى - وبلىس ورتالىعى قونايەۆ قالاسىنا كىرە بەرىستەگى «بارىس» مونۋمەنتىنىڭ جانىندا ءوتتى.
دەلەگاتتار قۇرامىندا باتىر مەن ەلشىلەر، جاتتىقتىرۋشىلار، سپورتشىلار، سپورت ارداگەرلەرى، ب ا ق وكىلدەرى بار.
«كوشپەندىلەر ويىنى - ەڭ الدىمەن، ينتەللەكت پەن مىنەزدىڭ تاباندىلىعىنا ىقپال ەتەدى. جەڭىسكە جەتۋ ءۇشىن ينتەللەكتۋالدى دامىعان، رۋحاني كۇشتى جانە فيزيكالىق دايىن بولۋ كەرەك. بۇل قاسيەتتەر كوشپەلى حالىقتاردىڭ مىنەزىنە ءتان»، - دەيدى كوكپاردان وبلىس جاتتىقتىرۋشىسى مەيىرجان ءماتجان.
ءوڭىر سپورتشىلارى جارىستىڭ باستى سيمۆولى - «كولساي كولدەرىنەن» سۋ الىپ، استاناعا اتتاندى.
ايتا كەتەيىك، V دۇنيەجۇزىلىك كوشپەندىلەر ويىندارىندا الماتى وبلىسىنان 12 سپورتشى ەل نامىسىن قورعايدى.
وسىعان دەيىن الماتىدان «بىرلىك كەرۋەنى» جولعا شىققانى تۋرالى جازعان ەدىك.
ەستەرىڭىزگە سالا كەتەيىك، دۇنيەجۇزىلىك كوشپەندىلەر ويىندارى استانا قالاسىندا قىركۇيەكتىڭ 8 ى مەن 13 ى ارالىعىندا وتەدى.
اۆتور
الما مۇقانوۆا
