جىلدىڭ ۇزدىك اكتەرلەرى مەن سپەكتاكلدەرى ماراپاتتالدى
«استانا وپەرا» ساحناسىندا قازاقستان ونەرى سالاسىنداعى جىل قورىتىندىسى جاسالىپ، Umai 2023 ۇلتتىق سىيلىعىنىڭ جەڭىمپازدارى ماراپاتتالدى.
جالپى جۇلدە قورى 79 ميلليون تەڭگەنى قۇرايتىن 29 مۇسىنشە مەن اقشالاي سىيلىق تابىس ەتىلدى، دەپ حابارلايدى Kazinform.
Umai ۇلتتىق سىيلىعىن ق ر مادەنيەت جانە اقپارات مينيسترلىگى وتكەن جىلدان بەرى ونەر ساڭلاقتارىنا تابىستاپ كەلەدى.
«ەل پرەزيدەنتى قاسىم-جومارت توقايەۆ قازاق ەلىن الەمنىڭ لايىقتى وركەنيەتىنە اينالدىرۋ ماقساتىن قويىپ كەلەدى. بۇگىندە مەملەكەتتىڭ جاساپ جاتقان بارلىق باستاماسىنىڭ تۇپكى ناتيجەسى وسى ماقساتقا جەتۋ. Umai سىيلىعى - وسىنداي تالاپتىڭ جارقىن كورىنىسى، ونىڭ وزەگىندە ادەمى سالتانات ەمەس، ەڭ الدىمەن ەسەلەپ كەتكەن ەڭبەك، تاۋداي تالاپ، تەرەڭ ءبىلىم مەن ويلى ونەر تۇر. ويتكەنى ونەر ادامى - قوعامنىڭ تاربيەشىسى. ونەر مەن مادەنيەتىمىز قانداي بولسا، قوعامنىڭ بەت-بەينەسى سونداي بولادى. بۇل بارشامىزعا ورتاق ەلدىڭ ەرتەڭىنە كەرەك رۋحاني ساياسات»، - ق ر مادەنيەت جانە اقپارات ءمينيسترى ايدا بالايەۆا ماراپات كەشىنىڭ اشىلۋىندا.
كەش باعدارلاماسى اياسىندا كورەرمەندەر قىزىقتى كونتسەرتتىك نومىرلەردى تاماشالادى. «استانا وپەرا» ءسوليسى سۇلتانبەك عۇمار «تۇران» ءانسامبلىنىڭ مۋزىكاسىنا «قيلى زامان» ءبيىن ۇسىندى. جاس كورەرمەندەر مۋزىكالىق تەاترىنىڭ ارتىستەرى د. يسابەكوۆتىڭ «گاۋھارتاس» مۋزىكالىق دراماسىنىڭ ءۇزىندىسىن ساحنالادى.
«استانا بالەت» ۇجىمى كورەرمەندەر نازارىنا س. پروكوفيەۆتىڭ «رومەو مەن دجۋلەتتا» بالەتىنىڭ ءۇزىندىسىن ۇسىندى. ماەسترو رۋسلان ءبايمۋرزيننىڭ جەتەكشىلىگىمەن «استانا وپەرا» حورى مەن وركەسترى جانە سوليستەرى، «سەرپەر» دومبىراشىلار ءانسامبلى جانە وڭىرلىك تەاتر ۇجىمدارى ونەر كورسەتتى. رينات گايسين جازعان UMAI ۇلتتىق سىيلىعىنىڭ ءانۇرانى دا كورەرمەندەرگە ەرەكشە اسەر قالدىردى.
الايدا، كەشتىڭ ماڭىزدى ءساتى - بەدەلدى ناگرادالاردى تابىستاۋ ءراسىمى بولدى. وسىلايشا، «تەاتر ونەرى» نوميناتسياسىندا 8 جۇلدە تابىس ەتىلدى:
«ۇزدىك مۋزىكالىق-درامالىق سپەكتاكل» اتالىمىندا استانا جاس كورەرمەندەر مۋزىكالىق تەاترىنىڭ «گاۋھارتاس» مۋزىكالىق دراماسى ۇزدىك دەپ تانىلدى.
«ۇزدىك سپەكتاكل» - م. گوركي اتىنداعى مەملەكەتتىك اكادەميالىق ورىس دراما تەاترىنىڭ «جازدىڭ سوڭى» تراگيكومەدياسى؛
«وپەراداعى ەر پارتياسىن ۇزدىك ورىنداۋشى» - اباي اتىنداعى قازاق ۇلتتىق وپەرا جانە بالەت تەاترىنىڭ ءسوليسى دامير ءسادۋاقاسوۆ؛
«وپەراداعى ايەل پارتياسىن ۇزدىك ورىنداۋشى» - اباي اتىنداعى قازاق ۇلتتىق وپەرا جانە بالەت تەاترىنىڭ ءسوليسى وكسانا داۆىدەنكو؛
«ۇزدىك ەر ادام ءرولى» - م. اۋەزوۆ اتىنداعى قازاق ۇلتتىق دراما تەاترىنىڭ اكتەرى بەكجان تۇرىس؛
«ۇزدىك ايەل ءرولى» - ب. ريموۆا اتىنداعى تالدىقورعان دراما تەاترىنىڭ اكتريساسى الماحان كەنجەبەكوۆا؛
«ۇزدىك رەجيسسۋرا» - ع. مۇسىرەپوۆ اتىنداعى بالالار مەن جاس وسپىرىمدەرگە ارنالعان قازاق مەملەكەتتىك اكادەميالىق تەاترىنىڭ رەجيسسەرى دينا جۇمابايەۆا؛
«سپەكتاكلدىڭ ۇزدىك كوركەمدىك ديزاينى» - ن. ساتس اتىنداعى بالالار مەن جاس وسپىرىمدەرگە ارنالعان مەملەكەتتىك اكادەميالىق ورىس تەاترىنىڭ سۋرەتشىلەرى ۆلاديمير پونوماريەۆ، الەكساندرا رىچكوۆا.
«حورەوگرافيا ونەرى» نوميناتسياسى بويىنشا:
«ۇزدىك ءبي ۇجىمى» - ش ق و مادەنيەت باسقارماسىنىڭ «ەرتىس كونسەرت» ك م ق ك «التاي» حالىق ءبي ءانسامبلى؛
«زاماناۋي حورەوگرافيانىڭ ۇزدىك سپەكتاكلى» - تۇركىستان مۋزىكالىق-دراما تەاترىنىڭ «قورقىت تۋرالى اڭىز» پلاستيكالىق سپەكتاكلى؛
«بالەتتەگى ۇزدىك ورىنداۋشى» (بالەت ءسوليسى) - «استانا وپەرا» تەاترىنىڭ ءسوليسى ايگەرىم بەكەتايەۆا؛
«بالەتتەگى ۇزدىك ورىنداۋشى» (بالەت ءسوليسى) - «استانا وپەرا» تەاترىنىڭ ءسوليسى باقتيار ادامجان؛
«ۇزدىك حورەوگراف» - «استانا بالەت» تەاترىنىڭ حورەوگرافى ايگۇل تاتي؛
«ۇزدىك كلاسسيكالىق بالەت سپەكتاكلى» - «استانا وپەرا» تەاترىنىڭ «سپارتاك» بالەتى.
«مۋزىكالىق- ورىنداۋشىلىق ونەر» نوميناتسياسىندا ءتورت جۇلدە تابىس ەتىلدى:
«ۇزدىك ءداستۇرلى ورىنداۋشى» (ءان ايتۋ) - ر. باعلانوۆا اتىنداعى «قازاق كونسەرت» مەملەكەتتىك كونسەرتتىك ۇيىمىنان اسقار مۇقيات؛
«ۇزدىك ءداستۇرلى ورىنداۋشى» (اسپاپشى) - راۋشان ورازبايەۆا، ر. باعلانوۆا اتىنداعى «قازاق كونسەرت» مەملەكەتتىك كونسەرتتىك ۇيىمى؛
«ۇزدىك مۋزىكالىق انسامبل» (كلاسسيكالىق) - «قازاقستان كامەراتى» كلاسسيكالىق مۋزىكا ءانسامبلى؛
«ۇزدىك مۋزىكالىق انسامبل» (حالىقتىق) - «ناۆا» حالىق اسپاپتار ءانسامبلى، ق. قوجامياروۆ اتىنداعى مەملەكەتتىك اكادەميالىق ۇيعىر مۋزىكالىق كومەديا تەاترى.
«بەينەلەۋ جانە ساندىك-قولدانبالى ونەر» نوميناتسياسى بويىنشا:
«ۇزدىك شەبەر- قولونەرشى» (زەرگەرلىك ونەر، مەتالل وڭدەۋ، ارالاس، ەكسپەريمەنتتىك تەحنيكا) - امانگەلدى مۇقاجانوۆ؛
«ۇزدىك شەبەر-قولونەرشى» (اعاش وڭدەۋ، كوركەم ويۋ، كەراميكا) - اتابەك بەكبولاتوۆ؛
«ۇزدىك شەبەر-قولونەرشى» (كيىز، توقىما، توقىما، بىلعارى) - مالىك مۇقانوۆ، ت. جۇرگەنوۆ اتىنداعى قازاق ۇلتتىق ونەر اكادەمياسى.
«ۇزدىك بەينەلەۋ ونەرىنىڭ تۋىندىسى» نوميناتسياسىندا:
«ۇزدىك سۋرەت شەبەرى» - داۋرەنبەك بەكنازاروۆ، ت. جۇرگەنوۆ اتىنداعى قازاق ۇلتتىق ونەر اكادەمياسى؛
«زاماناۋي ونەردەگى ۇزدىك جوبا» - بولاتبەك بەيىسبەكوۆ، بەيىسبەكوۆتار وتباسىنىڭ «التىن وردا» كوركەم گالەرەياسى؛
«ۇزدىك گرافيكا شەبەرى» - باتۋحان بايمەن؛
«ۇزدىك ءمۇسىن شەبەرى» - الىبەك مەرگەنوۆ.
سونىمەن بىرگە، «استانا بالەت» تەاترىنىڭ «سنەجنايا كوروليەۆا» بالەتى «ۇزدىك بالالار سپەكتاكلى» اتانسا، مەملەكەتتىك قۋىرشاق تەاترىنىڭ «ۇر، توقپاق!» ەرتەگىسى كىشى فورماداعى «ۇزدىك بالالار سپەكتاكلى» دەپ تانىلدى.
سونداي-اق، تاۋەلسىز ساراپتامالىق كوميسسيا مۇشەلەرى «جىل جاڭالىعى» رەتىندە «استانا وپەرا» تەاترىنىڭ ورىنداۋشىسى بيبىگۇل جانۇزاق پەن «استانا بالەت» تەاترىنىڭ «Nine» حورەوگرافيالىق مينياتيۋراسىن ماراپاتتادى.
