20:47, 12 - قازان 2023 | GMT +6
جىل سايىن 600 گە جۋىق بالادان قاتەرلى ىسىك انىقتالادى
ورتالىق كوممۋنيكاتسيالار قىزمەتىندە وتكەن بريفينگىدە دەنساۋلىق ساقتاۋ ۆيتسە- ءمينيسترى ۆياچەسلاۆ دۋدنيك قاتەرلى ىسىكتىڭ «جاسارىپ» بارا جاتقانىن ايتتى، دەپ حابارلايدى Kazinform.
«ەلىمىزدە بالالار ونكوگەماتولوگياسىنا ارنالعان 508 توسەك- ورىن بار، 88 بالالار ونكوگەماتولوگى جۇمىس ىستەيدى. بۇگىنگى تاڭدا بالالار ونكولوگتارى مەن گەماتولوگتارىنىڭ ديناميكالىق باقىلاۋىندا قاتەرلى ىسىكتىڭ رەميسسياسىندا 4 مىڭعا جۋىق بالا بايقالادى. جىل سايىن بالالاردا 600 گە دەيىن قاتەرلى ىسىك انىقتالادى»، - دەپ دەرەكتەر كەلتىردە ۆياچەسلاۆ دۋدنيك.
وسى بريفينگى بارىسىندا ۆيتسە- مينيستر جىل سايىن 13 مىڭنان استام قازاقستاندىق قاتەرلى ىسىكتەن كوز جۇماتىنىن ايتتى. جالپى، ەلىمىزدە ونكولوگياعا شالدىققان 217 مىڭنان استام پاتسيەنت ديناميكالىق باقىلاۋدا تۇر.
