جىل باسىنان بەرى تەڭگە باعامى 5,8 پايىز السىرەدى - ۇلتتىق بانك
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ تەڭگە باعامىن قولداۋ ءۇشىن ىشكى نارىققا دوللار ساتۋ قالاي ۇيىمداستىرىلىپ جاتقانىن ءمالىم ەتتى.
«قىركۇيەكتە تەڭگەنىڭ ايىرباستاۋ باعامى 1 دوللار ءۇشىن 481,11 تەڭگەگە دەيىن، ياعني %0,1 كە ازداپ نىعايدى. الايدا، جىلدىڭ باسىنان بەرى %5,8 كە السىرەدى. ترانسفەرتتەردى قامتاماسىز ەتۋ ءۇشىن قىركۇيەكتە ۇلتتىق قوردان رەسپۋبليكالىق بيۋدجەتكە 945 ميلليون دوللار ۆاليۋتا ساتۋ تەڭگەگە قولداۋ كورسەتتى. سونداي-اق، ۇلتتىق بانكتىڭ «قازاتومونەركاسىپ» ا ق اكسيالارىن ساتىپ الۋىنىڭ ۆاليۋتا نارىعىنا ىقتيمال تەرىس اسەرىن تەڭەستىرۋ اياسىندا ءبىز 241,5 ميلليون ا ق ش دوللارىن ساتتىق»، - دەدى ۇلتتىق بانك باسشىسى.
تيمۋر سۇلەيمەنوۆ ءبىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرىن ينۆەستيتسيالاۋ ءۇشىن ميلليون دوللار ساتىپ الىنعانىن ايتادى.
«زەينەتاقى اكتيۆتەرىنىڭ ۆاليۋتالىق ۇلەسى ماقساتتى %40 دەڭگەيىنە جەتۋىنە بايلانىستى شەتەل ۆاليۋتاسىن ساتىپ الۋدى توقتاتا تۇرۋ تۋرالى شەشىم قابىلداندى. تەڭگەنىڭ بۇدان كەيىنگى ديناميكاسى نارىققا قاتىسۋشىلاردىڭ كۇتۋلەرىنە، الەمدىك نارىقتارداعى جاعدايعا جانە گەوساياسي جاعدايدىڭ وزگەرۋىنە بايلانىستى بولادى. ۇلتتىق بانك تەڭگەرىمسىزدىكتى بولدىرمايتىن جانە التىن- ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانادى»، - دەدى ول.
